കണ്ണൂര്‍: നിലമ്പൂര്‍ ഉപതെരഞ്ഞെടുപ്പ് വിജയാഘോഷത്തോടനുബന്ധിച്ച് സിപിഎം ലോക്കല്‍ കമ്മിറ്റി ഓഫീസിന്റെ മുന്നില്‍ പടക്കം പൊട്ടിച്ച് കോണ്‍ഗ്രസ് പ്രവര്‍ത്തകര്‍.തില്ലങ്കേരി സിപിഎം ലോക്കല്‍ കമ്മിറ്റി ഓഫീസിന്റെ മുന്നിലാണ് കോണ്‍ഗ്രസ് പ്രവര്‍ത്തകര്‍ പടക്കം പൊട്ടിച്ചത്.
പിന്നാലെ പടക്കം പൊട്ടിച്ച കോണ്‍ഗ്രസ് പ്രവര്‍ത്തകരെ കൊണ്ട് തന്നെ ഓഫീസിന്റെ മുന്‍വശം സിപിഎം പ്രവര്‍ത്തകര്‍ വൃത്തിയാക്കിപ്പിക്കുകയും ചെയ്തു.പടക്കം അവശിഷ്ടങ്ങള്‍ ലോക്കല്‍ കമ്മിറ്റി ഓഫീസിന് മുന്നില്‍ ചിതറി കിടന്നത് സിപിഎം പ്രവര്‍ത്തകരെ പ്രകോപിപ്പിച്ചു.
സിപിഎം പ്രവര്‍ത്തകര്‍ ഓഫീസിന്റെ മുന്‍വശം വൃത്തിയാക്കണമെന്ന് ആവശ്യപ്പെടുന്നതും കോണ്‍ഗ്രസ് പ്രവര്‍ത്തകര്‍ പടക്കത്തിന്റെ അവശിഷ്ടങ്ങള്‍ മാറ്റുന്നതിന്റെയും ദൃശ്യങ്ങള്‍ പുറത്ത് വന്നു. തിങ്കളാഴ്ച ഉച്ചയോടെയാണ് സംഭവം.
പ്രതികരിക്കാൻ ഇവിടെ എഴുതുക: