ബൊഗോട്ടോ: പഹല്‍ഗാം ഭീകരാക്രമണത്തിന് മറുപടിയായി ഇന്ത്യന്‍ ആക്രമണത്തിന് ശേഷം പാകിസ്ഥാനില്‍ ഉണ്ടായ ജീവഹാനിയില്‍ അനുശോചിച്ച് കൊളംബിയ നേരത്തെ പുറത്തിറക്കിയ പ്രസ്താവന ഔദ്യോഗികമായി പിന്‍വലിച്ചു. ആശങ്ക പ്രകടിപ്പിച്ച പ്രസ്താവന പിന്‍വലിക്കുന്നുവെന്നും ഈ വിഷയത്തില്‍ ഇന്ത്യയുടെ നിലപാട് പൂര്‍ണ്ണമായി മനസ്സിലാക്കുന്നുവെന്നും കൊളംബിയന്‍ ഉപവിദേശകാര്യ മന്ത്രി റോസ യോലാന്‍ഡ വില്ലാവിസെന്‍സിയോ അറിയിച്ചു. ഇത് ഞതങ്ങള്‍ ശരിക്കും വിലമതിക്കുന്നുവെന്ന് ഇതേക്കുറിച്ച് സര്‍വകക്ഷി സംഘത്തെ നയിച്ച പാര്‍ലമെന്റ് അംഗം ശശി തരൂരും പ്രതികരിച്ചു.
‘തങ്ങള്‍ക്ക് ലഭിച്ച വിശദീകരണം വഴി ഇപ്പോള്‍ യഥാര്‍ത്ഥ സാഹചര്യവും കശ്മീരില്‍ എന്താണ് സംഭവിച്ചത് എന്നതിനെക്കുറിച്ച് വിശദമായ വിവരങ്ങളും വ്യക്തമായെന്ന് റോസ യോലാന്‍ഡ പറഞ്ഞു.
ഇന്ത്യന്‍ ആക്രമണങ്ങളെത്തുടര്‍ന്ന് പാകിസ്ഥാനില്‍ ഉണ്ടായ ജീവഹാനിക്ക് കൊളംബിയ അനുശോചനം അറിയിച്ചതില്‍ ശശി തരൂര്‍ നേരത്തെ നിരാശ പ്രകടിപ്പിച്ചിരുന്നു.
പ്രതികരിക്കാൻ ഇവിടെ എഴുതുക: