കണ്ണൂര്‍: എഡിഎം നവീന്‍ ബാബുവിനെതിരെ കൈക്കൂലി ആരോപണം ഉന്നയിച്ച പരിയാരം മെഡിക്കല്‍ കോളേജ് ജീവനക്കാരന്‍ പ്രശാന്തനെതിരെ വിജിലന്‍സില്‍ പരാതി. മാസം 27000 രൂപ മാത്രം ശമ്പളം വാങ്ങുന്ന പ്രശാന്തന്‍ 80 ലക്ഷം രൂപ ചെലവഴിച്ച് ചെങ്ങളായിയില്‍ പെട്രോള്‍ പമ്പ് തുടങ്ങുന്നതിന് പിന്നില്‍ വരവില്‍ കവിഞ്ഞ സമ്പാദ്യമുണ്ടെന്നാണ് ആരോപണം.
കണ്ണൂര്‍ കോര്‍പറേഷന്‍ മുന്‍ മേയര്‍ ടി.ഒ.മോഹനനാണ് പ്രശാന്തനെതിരെ വിജിലന്‍സിന് പരാതി നല്‍കിയത്. അഴിമതി തടയല്‍ നിയമപ്രകാരം കേസ് എടുക്കണമെന്നാണ് പരാതിയിലെ ആവശ്യം.
പെട്രോള്‍ പമ്പിന് അനുമതിക്കായി ഒരു ലക്ഷത്തോളം രൂപ നവീന്‍ ബാബു കൈക്കൂലി വാങ്ങിയെന്നാണ് പ്രശാന്തന്‍ ആരോപിച്ചത്. ഇക്കാര്യം ഉന്നയിച്ചാണ് കണ്ണൂര്‍ ജില്ലാ മുന്‍ പഞ്ചായത്ത് പ്രസിഡന്റ് പി പി ദിവ്യ എ ഡി മ്മിന്റെ യാത്ര അയപ്പ് ചടങ്ങില്‍ അധിക്ഷേപം നടത്തിയത്. തുടര്‍ന്നാണ് നവീന്‍ ബാബു ജീവനൊടുക്കിയത്.
പ്രതികരിക്കാൻ ഇവിടെ എഴുതുക: