മംഗലാപുരം പോലീസ് കമ്മീഷണറുടെ പേരിൽ വ്യാജ ഫേസ്ബുക്ക് അക്കൗണ്ട് ; പണം ആവശ്യപ്പെട്ട് സന്ദേശം

മംഗളൂരു ; മംഗലാപുരം പോലീസ് കമ്മീഷണറുടെ പേരിൽ വ്യാജ ഫേസ്ബുക്ക് അക്കൗണ്ട് . മംഗളൂരു പോലീസ് കമ്മീഷണർ അനുപം അഗർവാളിന്റെ പേരിൽ വ്യാജ ഫെയ്‌സ്ബുക്ക് അക്കൗണ്ട് തുറന്ന് ഫ്രണ്ട്സ് റിക്വസ്റ്റുകൾ അയക്കുകയായിരുന്നു സൈബർ തട്ടിപ്പുകാർ. പിന്നീട് മെസഞ്ചർ വഴി സന്ദേശങ്ങൾ അയച്ച് പണം ആവശ്യപ്പെടുകയും ചെയ്തു.

ഇക്കാര്യം അറിഞ്ഞ കമ്മീഷണർ അനുപം അഗർവാൾ തട്ടിപ്പുകാർക്കെതിരെ മംഗളൂരു സെൻ സ്റ്റേഷനിൽ പരാതി രജിസ്റ്റർ ചെയ്തു . തന്റെ പേരിൽ വരുന്ന സന്ദേശങ്ങളോട് പ്രതികരിക്കരുതെന്നും അദ്ദേഹം പൊതുജനങ്ങളോട് അഭ്യർത്ഥിച്ചു.