ബാംഗ്ലൂര്‍ : ലഹരി പാര്‍ട്ടി ആരോപണം നേരിടുന്ന റിമ കല്ലിങ്കല്‍ ആഷിക് അബു ടീമിനെ വെളുപ്പിച്ചെടുക്കാന്‍ മലയാളി മാധ്യമ പ്രവര്‍ത്തകയുടെ നേതൃത്വത്തിലുള്ള പവര്‍ ഗ്രൂപ്പ്. റിമയ്‌ക്ക് എതിരെ മനോരമ, മാതൃഭൂമി ഓണ്‍ലൈനുകളില്‍ വന്ന വാര്‍ത്ത പിന്‍വലിപ്പിച്ചത് ബാംഗ്ലൂര്‍ കേന്ദ്രമാക്കി പ്രവര്‍ത്തിക്കുന്ന ഈ മാധ്യമ പ്രവര്‍ത്തകയുടെ സ്വാധീനമാണ്.
ഏഷ്യാനെറ്റ് എക്‌സിക്യൂട്ടീവ് എഡിറ്റര്‍ സിന്ധു സൂര്യകുമാറിന്റെ സ്‌പെഷല്‍ ഇന്റര്‍വ്യൂവിലൂടെ റിമയെ വെളുപ്പിക്കാനും ആരോപണം ഉന്നയിച്ച ഗായിക സുചിത്രയെ തേജോവധം ചെയ്യാനുള്ള പദ്ധതിയുടെ ബുദ്ധികേന്ദ്രവും ഇവരാണ്. ഗായിക സുചിത്രയുടെ വിശ്വാസ്യത ചോദ്യം ചെയ്യുന്ന റിമ നടന്മാര്‍ക്കെതിരെ ആരോപണം ഉന്നയിച്ച ജൂനിയര്‍ ആര്‍ട്ടിസ്റ്റുകളെ ഒട്ടും സംശയിക്കുന്നുമില്ല.
ഓണ്‍ലൈന്‍ മാധ്യമങ്ങളുടെ സംഘടനയുടെ ദേശീയ ഭാരവാഹിയെന്ന നിലയില്‍ മലയാള മാധ്യമ മാനേജ്‌മെന്റുകളില്‍ ഇവര്‍ക്ക് ശക്തമായ സ്വാധീനമുണ്ട്. കേരള മീഡിയ അക്കാഡമിയെ കൊണ്ട് കട്ടിങ് സൗത്ത് വിഘടനവാദ സമ്മേളനം നടത്തിയതും ഇവരാണ്.
റിമ കല്ലിങ്കലിന്റെ കുപ്രസിദ്ധ നിശാ പാര്‍ട്ടികളുടെ സംഘാടകയും ബാംഗ്ലൂര്‍ മാധ്യമ പ്രവര്‍ത്തകയാണ്. ഇവരുടെ ഭര്‍ത്താവ് ബാംഗ്ലൂരില്‍ നിശാപാര്‍ട്ടികള്‍ സംഘടിപ്പിക്കുന്ന ഇവന്റ് മാനേജറാണ്.
റിമ ആഷിക് നിശാപാര്‍ട്ടികളില്‍ സ്ഥിരം സാന്നിധ്യമായ ഈ മാധ്യമ പ്രവര്‍ത്തക ബിക്കിനിയിട്ടു റേവ് പാര്‍ട്ടിയില്‍ പങ്കെടുക്കുന്ന ചിത്രം പണ്ടു റിമ ട്വീറ്റ് ചെയ്തിട്ടുണ്ട്.
മലയാളത്തില്‍ പൂട്ടിപ്പോയ ഒരു ചാനലിന്റെ ഡല്‍ഹി റിപ്പോര്‍ട്ടറായാണ് ഈ വിവാദ മാധ്യമ പ്രവര്‍ത്തക മാധ്യമ രംഗത്ത് എത്തിയത്.
ചാനലില്‍ ശമ്പളം കുറവായതിനാല്‍ വാടക കൊടുക്കാന്‍ ഗതിയില്ലെന്നു ആര്‍എസ്പി എം പി പ്രേമചന്ദ്രനോടു കരഞ്ഞു പറഞ്ഞ് എം പി ക്വാര്‍ട്ടേഴ്‌സില്‍ താമസം സൗകര്യപ്പെടുത്തി.
എം പി ക്വാര്‍ട്ടേഴ്‌സിന്റെ താക്കോല്‍ കയ്യില്‍ കിട്ടിയതോടെ മാധ്യമ പ്രവര്‍ത്തകയുടെ തനിനിറം വെളിയില്‍ വന്നു. ഡല്‍ഹിയിലെ മാധ്യമ പ്രവര്‍ത്തകരുടെ കള്ളുകുടി ലഹരി സങ്കേതമായി എംപി ക്വാര്‍ട്ടേഴ്‌സ് മാറി.
എം പി നാട്ടില്‍ നിന്നു വന്നു കയറുമ്പോള്‍ ക്വാര്‍ട്ടേഴ്‌സിനകത്ത് നിറയെ മദ്യക്കുപ്പികളും കോഴിക്കാല്‍ അവശിഷ്ടങ്ങളും. മാധ്യമ പ്രവര്‍ത്തക യായതിനാല്‍ എംപിക്ക് ഇറക്കി വിടാനും മടി. ഇക്കാര്യം അറിഞ്ഞ ഒരു മുതിര്‍ന്ന മാധ്യമ പ്രവര്ത്തകന് എം പി യുടെ ഭാര്യയെ വിളിച്ച് സ്ഥിതിഗതികള്‍ ധരിപ്പിച്ചു. ഡല്‍ഹിയില്‍ പറന്നെത്തിയ എംപിയുടെ ഭാര്യ യുവ മാധ്യമ പ്രവര്‍ത്തകയെ അടിച്ചിറക്കി. ഇതിലുള്ള പ്രതികാരമായി മുതിര്‍ന്ന മാധ്യമ പ്രവര്ത്തകന് എതിരേ മീടു ആരോപണം ഉന്നയിച്ചു. മാധ്യമ പ്രവര്‍ത്തകനെ ഹണി ട്രാപ്പിലാക്കാന്‍ കാത്തിരുന്ന ഇവര്‍ രാജസ്ഥാനില്‍ തിരഞ്ഞെടുപ്പു നടക്കവേ ഇയാള്‍ക്കൊപ്പം ടാക്‌സിയില്‍ കയറി. ജയ്പൂരില്‍ ഒരേ ഹോട്ടലില്‍ താമസിക്കവേ അവസരമുണ്ടാക്കി മീടു ആരോപണവും ഉന്നയിച്ചു.
ഡല്‍ഹിയില്‍ നിന്നു ബാംഗ്ലൂരിലേക്ക് തട്ടകം മാറിയ ഇവര്‍ വൈകാതെ ഒരു ഓണ്‍ലൈന്‍ ചാനല്‍ ഉടമയായി. വിദേശ ഫണ്ടും സോറോസ് ഫണ്ടുമൊക്കെയായി തഴച്ചു വളര്‍ന്നു. കേരളത്തിലെ മുഖ്യധാരാ മാധ്യമങ്ങളുടെ സാഹിത്യോ ല്‍ സവങ്ങള്‍ ഇവരില്ലാതെ നടക്കില്ലെന്നതാണ് സ്ഥിതി. മട്ടാഞ്ചേരി മാഫിയയുമായി സൗഹൃദം സ്ഥാപിച്ച ഇവര്‍ നിശാപാര്‍ട്ടികളുടെ സംഘാടകയുമായി.
ഗായിക സുചിത്രയുടെ ആരോപണത്തില്‍ അന്വേഷണമുണ്ടായാല്‍ ബാംഗ്ലൂര്‍ മാധ്യമ പ്രവര്‍ത്തക പ്രതിക്കൂട്ടിലാകും.
Friday, November 15, 2024
റിമ കല്ലിങ്കലിനെ വെളുപ്പിക്കാന്‍ മാധ്യമ പ്രവര്‍ത്തകയുടെ പവര്‍ ഗ്രൂപ്പ്: പിന്നില്‍ പ്രേമചന്ദ്രനെ കുടുക്കിയ മാധ്യമ പ്രവര്‍ത്തക
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: