മലപ്പുറം: കോട്ടക്കലില്‍ കൂട്ടുകാര്‍ക്കൊപ്പം കുളത്തിലിറങ്ങിയ വിദ്യാര്‍ത്ഥി മുങ്ങിമരിച്ചു. കോട്ടക്കല്‍ ചിനക്കല്‍ സ്വദേശി പൂക്കയില്‍ മുഹമ്മദലിയുടെ മകന്‍ മുഹമ്മദ് അഫ്‌ലഹ് ആണ് മരിച്ചത്. ഇന്നലെയാണ് അപകടം നടന്നത്. കുളത്തിലേക്ക് കുളിയ്‌ക്കാനിറങ്ങിയ കുട്ടി മുങ്ങിപ്പോവുകയായിരുന്നു. കുട്ടിയെ സുഹൃത്തുക്കളും നാട്ടുകാരും ചേര്‍ന്ന് ആശുപത്രിയില്‍ എത്തിച്ചെങ്കിലും ചികിത്സയിലിരിക്കെ ഇന്ന് പുലര്‍ച്ചെയോടെ മരിക്കുകയായിരുന്നു. മൃതദേഹം പോസ്റ്റുമോര്‍ട്ടത്തിന് ശേഷം കുടുംബത്തിന് വിട്ടുനല്‍കും.
പ്രതികരിക്കാൻ ഇവിടെ എഴുതുക: