ന്യൂദല്‍ഹി :2036 ഒളിമ്പിക്സിന് ആതിഥേയത്വം വഹിക്കുക ഇന്ത്യയുടെ സ്വപ്‌നമാണെന്ന് പ്രധാന മന്ത്രി നരേന്ദ്ര മോദി. 78-ാമത് സ്വാതന്ത്ര്യ ദിനത്തോടനുബന്ധിച്ച് വ്യാഴാഴ്ച ചെങ്കോട്ടയില്‍ രാജ്യത്തെ അഭിസംബോധന ചെയ്ത് സംസാരിക്കവെ ആണ് മോദി ഇക്കാര്യം പറഞ്ഞത്.
പാരീസ് ഒളിമ്പിക്സില്‍ രാജ്യത്തിന്റെ അഭിമാനം ഉയര്‍ത്തിയ ഇന്ത്യന്‍ അത്ലറ്റുകളെ പ്രധാനമന്ത്രി മോദി പ്രസംഗത്തില്‍ അഭിനന്ദിച്ചു. പാരീസില്‍ നടക്കുന്ന പാരാലിമ്പിക്സിനായി പുറപ്പെടുന്ന താരങ്ങള്‍ക്ക് പ്രധാനമന്ത്രി ആശംസകള്‍ നേര്‍ന്നു.
ജി20 ഉച്ചകോടി സംഘടിപ്പിച്ച ഇന്ത്യ വലിയ തോതിലുള്ള പരിപാടികള്‍ സംഘടിപ്പിക്കാനുള്ള കഴിവ് രാജ്യത്തിനുണ്ടെന്ന് തെളിയിച്ചു. 2036 ഒളിമ്പിക്സിന് ആതിഥേയത്വം വഹിക്കുക എന്നത് ഇന്ത്യയുടെ സ്വപ്നമാണ്.അതിനുള്ള ഒരുക്കങ്ങള്‍ നടത്തിവരികയാണ്- മോദി പറഞ്ഞു.
പ്രതികരിക്കാൻ ഇവിടെ എഴുതുക: