കാലടി: പതിവുപോലെ ശനിയാഴ്ച വൈകിട്ട് മകന് വിളിക്കുന്നത് കാത്ത് അമ്മ. സാധാരണ ശനിയാഴ്ചയാണ് ദല്‍ഹിയില്‍ നിന്ന് മകന് നെവിന്‍ അമ്മയെ കൂടുതല്‍ സമയം വിളിക്കുന്നത്, കുറെ സമയം സംസാരിക്കും. ഇന്നലെ മകന്റെ ഫോണ്‍ വിളിക്കായി അമ്മ കാതോര്‍ത്തിരുന്നുവെങ്കിലും അവന്‍ വിളിച്ചില്ല, ലാന്‍സ്ലെറ്റ് വിങ്ങിപ്പൊട്ടി. കണ്ട് നിന്നവരുടെ കണ്ണുകള്‍ നിറഞ്ഞ് തുളുമ്പി. വിവരമറിഞ്ഞതോടെ സമീപവാസികളും പ്രവര്‍ത്തകരും വീട്ടിലെത്തിയിരുന്നു.
മകന്റെ വിയോഗ വാര്‍ത്ത കേട്ട് അമ്മ മനസ് തേങ്ങി. മകന് പഠിത്തത്തില്‍ അതിമിടുക്കനായതുകൊണ്ട് ഉന്നതങ്ങളില്‍ എത്തിച്ചേരുമെന്നായിരുന്നു അമ്മയുടെ പ്രതിക്ഷ. ഇത് താങ്ങാനാവുന്നതിനപ്പുറമാണ്. സങ്കടം സഹിക്കാനാവാതെ വന്നപ്പോള്‍ അമ്മ വിങ്ങിപ്പൊട്ടി.
എട്ട് വര്‍ഷമായി നാട്ടില്‍ നിന്ന് ദല്‍ഹിക്ക് യാത്രതിരിച്ചിട്ട്. കഴിഞ്ഞ നവംബറില്‍ വന്ന് മടങ്ങിയതാണ്. എല്ലാ ശനിയാഴ്ച അല്ലെങ്കില്‍ ഞായറാഴ്ച വൈകിട്ടും നെവിന്‍ അമ്മയെ വിളിച്ച് മണിക്കൂറുകള്‍ സംസാരിക്കും. പക്ഷെ ഇന്നലെ വൈകിട്ട് മാത്രം നെവിന്‍ അമ്മയെ വിളിച്ചില്ല. ഞായറാഴ്ച രാവിലെ പള്ളിയില്‍ കുര്‍ബാനക്ക് നില്‍ക്കുമ്പോള്‍ വന്ന ഫോണ്‍ കോളില്‍ മകന് ചെറിയ അപകടം പറ്റിയെന്ന് മാത്രമാണ് അറിയിച്ചത്. എന്നാല്‍ അല്പംകൂടി കഴിഞ്ഞപ്പോള്‍ വന്ന വാര്‍ത്ത ആ മാതാപിതാക്കള്‍ക്ക് താങ്ങാവുന്നതിന് അപ്പുറമായിരുന്നു. മലയാറ്റൂര്‍ സ്വദേശികള്‍ അല്ലെങ്കിലും ഗ്രാമത്തെയും വലിയ ദുഃഖത്തിലാക്കി നെവിന്റെ വിയോഗം.
പ്രതികരിക്കാൻ ഇവിടെ എഴുതുക: