തീവ്രവാദത്തിനെതിരെ നടപടി കടുപ്പിച്ച് പോലീസ് ; അനന്ത്നാഗിൽ തീവ്രവാദ ബന്ധമുള്ളയാളുടെ സ്വത്ത് കണ്ടുകെട്ടി 

അനന്ത്‌നാഗ് : ജമ്മുകശ്മീരിൽ തീവ്രവാദികൾക്കെതിരെ കടുത്ത നടപടികളുമായി പോലീസ്. ഭീകരതയ്‌ക്കെതിരായ സുപ്രധാന നീക്കത്തിന്റെ ഭാഗമായി അനന്ത്‌നാഗ് പോലീസ് ഭീകര പ്രവർത്തകനായ റിയാസ് അഹമ്മദ് ഭട്ടിന്റെ ലോഹർ സെൻസി ഗഡോൾ പ്രദേശത്തെ രണ്ട് നിലകളുള്ള വീട് കണ്ടുകെട്ടി.

നിയമവിരുദ്ധ പ്രവർത്തനങ്ങൾ (പ്രിവൻഷൻ) ആക്ട് യുഎപി ആക്ട് പ്രകാരമാണ് നടപടി സ്വീകരിച്ചത്. ബന്ധപ്പെട്ട പോലീസ് സ്റ്റേഷനിൽ വകുപ്പ് പ്രകാരം കേസ് രജിസ്റ്റർ ചെയ്യുകയും കൂടുതൽ അന്വേഷണം ആരംഭിക്കുകയും ചെയ്തിട്ടുണ്ട്.

നേരത്തെയും ഇത്തരത്തിൽ ഭീകരവാദ ബന്ധമുള്ളവരുടെ സ്വത്തുക്കൾ കണ്ടു കെട്ടിയിരുന്നു. ഇതിനു പുറമെ ഭീകരവാദവുമായി ബന്ധപ്പെട്ടവരുട കുടുംബാംഗങ്ങൾക്ക് സർക്കാർ ജോലി നൽകില്ലെന്ന് സർക്കാർ പ്രസ്താവിച്ചിരുന്നു.