ബിഗ് ബോസ് മലയാളത്തിന്റെ ആറാം സീസൺ അതിന്റെ അവസാനഘട്ടത്തിലാണ് ഇപ്പോൾ. വീടിനകത്ത് മത്സരാർത്ഥികൾ 88 ദിവസം പിന്നിട്ടിരിക്കുകയാണ്. നിലവിൽ 8 മത്സരാർത്ഥികളാണ് ബിഗ് ബോസ് വീട്ടിലുള്ളത്. ജാസ്മിൻ, അർജുൻ, ശ്രീതു, നോറ, സിജോ, അഭിഷേക്, ഋഷി, ജിന്റോ എന്നിവരാണ് അന്തിമഘട്ടത്തിൽ ശേഷിക്കുന്ന മത്സരാർത്ഥികൾ
ഏറ്റവും കൂടുതൽ സെലിബ്രിറ്റികൾ അതിഥികളായി ഹൗസിനകത്തെത്തിയ സീസണുകളിൽ ഒന്നുകൂടിയാണ് ഇത്. ദിലീപ്, ജോജു ജോർജ് എന്നിവരെല്ലാം തങ്ങളുടെ ചിത്രങ്ങളുടെ പ്രമോഷനുമായി ബന്ധപ്പെട്ട് ബിഗ് ബോസ് വീട്ടിലെത്തിയിരുന്നു. ഹോട്ടൽ ടാസ്കിന്റെ ഭാഗമായി ശ്വേത മേനോൻ, സാബുമോൻ എന്നിവരും. ഇപ്പോഴിതാ, മലയാളികളുടെ പ്രിയതാരം ഉർവശിയും ബിഗ് ബോസ് വീട്ടിലേക്ക് എത്തുന്നു എന്നാണ് റിപ്പോർട്ട്.
ഉർവശിയും പാർവതിയും കേന്ദ്രകഥാപാത്രങ്ങളെ അവതരിപ്പിക്കുന്ന ‘ഉള്ളൊഴുക്ക്’ എന്ന ചിത്രത്തിന്റെ പ്രമോഷനുമായി ബന്ധപ്പെട്ടാണ് ഉർവശി എത്തുന്നത് എന്നാണ് റിപ്പോർട്ട്.
ക്രിസ്റ്റോ ടോമിയാണ് ചിത്രം സംവിധാനം ചെയ്യുന്നത്. ഉര്വശി, പാര്വതി എന്നിവരെക്കൂടാതെ അലന്സിയര്, അര്ജുന് രാധാകൃഷ്ണന്, ജയാ കുറുപ്പ് തുടങ്ങിയവരും ചിത്രത്തിലുണ്ട്.
പ്രതികരിക്കാൻ ഇവിടെ എഴുതുക: