സംഭാല്‍ (ഉത്തര്‍പ്രദേശ്): കോണ്‍ഗ്രസ് നേതാവ് രാഹുല്‍ ഗാന്ധിയെ രൂക്ഷമായി വിമര്‍ശിച്ച് കോണ്‍ഗ്രസ് പാര്‍ട്ടി മുന്‍ നേതാവ് ആചാര്യ പ്രമോദ് കൃഷ്ണന്‍. രാഹുല്‍ ഗാന്ധി ഒരു മഹാപുരുഷനാണ്, കോണ്‍ഗ്രസ്സിനെ മുച്ചൂടും നശിപ്പിക്കുക എന്ന് ഉത്തരവാദിത്തം മികച്ച രീതിയിലാണ് അദേഹം നിറവേറ്റുന്നതെന്നും പ്രമോദ് കൃഷ്ണന്‍ പരിഹസിച്ചു.
ഈ ലോക്‌സഭാ തെരഞ്ഞെടുപ്പില്‍ ഏറ്റവും കുറച്ച് സീറ്റുകളാകും കോണ്‍ഗ്രസ് നേടുകയെന്നും അദേഹം പറഞ്ഞു. മഹാത്മാഗാന്ധി കോണ്‍ഗ്രസിന്റെ അന്ത്യത്തെക്കുറിച്ച് ഒരു സ്വപ്നം കണ്ടു. ആര്‍ക്കും അത് നടപ്പാക്കാന്‍ കഴിഞ്ഞില്ല, ബിജെപിക്ക് പോലും, പക്ഷേ ഇപ്പോള്‍ രാഹുല്‍ ഗാന്ധി അത് ചെയ്യുന്നു. അതുകൊണ്ടുതന്നെ രാഹുല്‍ ഗാന്ധി ഒരു മഹാപുരുഷാണ്, അദ്ദേഹത്തിന് എന്തും പറയാം.
രാഹുല്‍ ഗാന്ധി കോണ്‍ഗ്രസിനെ അവസാനിപ്പിച്ച് തന്റെ ഉത്തരവാദിത്തം നിറവേറ്റുകയാണ്. എനിക്ക് മാത്രമല്ല, രാജ്യത്തുടനീളമുള്ള കോടിക്കണക്കിന് കോണ്‍ഗ്രസ് പ്രവര്‍ത്തകര്‍ക്കും ഈ വസ്തുത അറിയാം. ജൂണ്‍ നാലിന് ശേഷം, ഇതുവരെ ഏറ്റവും കുറഞ്ഞ സീറ്റുകള്‍ നേടുന്ന പാര്‍ട്ടിയായി കോണ്‍ഗ്രസ് മാറുമെന്നും മുന്‍ പാര്‍ട്ടി നേതാവ് പറഞ്ഞു.
പ്രതികരിക്കാൻ ഇവിടെ എഴുതുക: