ന്യൂഡല്ഹി : യുദ്ധസമയങ്ങളില് ദ്രുതഗതിയിലും, സമഗ്രമായും വൈദ്യസഹായം ലഭ്യമാക്കുക എന്ന ലക്ഷ്യത്തോടെ, ഇന്ത്യന് എയര്ഫോഴ്സ് BHISHM making equippe എന്ന പേരില് പോര്ട്ടബിള് ആരോഗ്യ മൈത്രി എയിഡ് ക്യൂബ് സേവനം ആരംഭിച്ചു. ഇത്തരത്തില് എയര്ഡ്രോപ്പ് പോര്ട്ടബിള് ഹോസ്പിറ്റല് വികസിപ്പിക്കുന്ന ലോകത്തിലെ ആദ്യത്തെ രാജ്യമാണ് ഇന്ത്യ.
മെഡിക്കല് സേവനങ്ങളുടെ ഫലപ്രദമായ ഏകോപനം, തത്സമയ നിരീക്ഷണം, കാര്യക്ഷമമായ മാനേജ്മെന്റ് എന്നിവ സുഗമമാക്കുന്നതിന് ആര്ട്ടിഫിഷ്യല് ഇന്റലിജന്സും ഡാറ്റ അനലിറ്റിക്സും സംയോജിപ്പിച്ചാണ് ഈ ക്യൂബുകള് ഒരുക്കിയിരിക്കുന്നത് .അടിയന്തിര സഹായം മുതല് നൂതന മെഡിക്കല്, സര്ജിക്കല് കെയര് വരെ വേണ്ടി വരുന്ന അപകടങ്ങളില് എയ്ഡ് ക്യൂബ് വെറും 12 മിനിറ്റിനുള്ളില് വിന്യസിക്കാനാകും.
#WATCH | Indian Air Force tested BHISHM portable cubes at Agra for airdrop from the aircraft. This is the first time when they have tested this portable hospital. This test was performed so that anywhere this hospital can be deployed to cater to emergency situations.]
(Source:… pic.twitter.com/sCeDgkHfnW
— ANI (@ANI) May 14, 2024
ഇന്ത്യന് എയര്ഫോഴ്സ് ആഗ്രയില് വച്ചാണ് ഭീഷ്മ് പോര്ട്ടബിള് ക്യൂബുകള്ക്കായുള്ള ആദ്യ എയര്ഡ്രോപ്പ് ടെസ്റ്റ് നടത്തിയത് . അടിയന്തര ഘട്ടങ്ങളില് രാജ്യത്തുടനീളം ഈ സേവനം ലഭ്യമാക്കാനാണ് നീക്കം. ആഗ്രയിലെ എയര് ഡെലിവറി റിസര്ച്ച് ആന്ഡ് ഡെവലപ്മെന്റ് സ്ഥാപനം പ്രത്യേകം രൂപകല്പ്പന ചെയ്ത പാരച്യൂട്ടുകള് ഉപയോഗിച്ചാണ് 720 കിലോ ഭാരമുള്ള ഈ പോര്ട്ടബിള് ആശുപത്രി 1500 അടി ഉയരത്തില് പറന്നത്.
ഓപ്പറേഷൻ തിയേറ്റർ, എക്സ്റേ മെഷീനുകൾ, രക്തപരിശോധനാ ഉപകരണങ്ങൾ, വെൻ്റിലേറ്ററുകൾ അങ്ങനെ ഒരു ആശുപത്രിയിൽ വേണ്ടതെല്ലാം ഇതിലുണ്ട്. വെടിയേറ്റ മുറിവുകൾ, പൊള്ളലുകൾ, ഒടിവുകൾ, ഗുരുതരമായ രക്തസ്രാവം തുടങ്ങിയ പരിക്കുകൾ ചികിത്സിക്കുന്നതിനുള്ള ഉപകരണങ്ങൾ ഇതിലുണ്ട്. ഓരോ യൂണിറ്റിനും ഒരു കോംപാക്റ്റ് ജനറേറ്റർ, സ്ട്രെച്ചറുകൾ, മോഡുലാർ മെഡിക്കൽ ഗിയർ, മരുന്നുകൾ, ഭക്ഷണ വിതരണങ്ങൾ തുടങ്ങിയ അവശ്യസാധനങ്ങളുണ്ട്. സൗരോർജ്ജ ബാറ്ററികളുമാണ് ഇതിൽ ഉപയോഗിക്കുന്നത്. എയർഡ്രോപ്പുകൾ വഴിയോ ഗ്രൗണ്ട് ട്രാൻസ്പോർട്ടുകൾ വഴിയോ എവിടെയും ഇത് വിന്യസിക്കാനാകും എന്നതാണ് വലിയ പ്രത്യേകത.
ജനുവരിയില്, ഇത്തരത്തില് രണ്ട് മെഡിക്കല് പോര്ട്ടബിള് ക്യൂബുകള് അയോധ്യയില് വിന്യസിച്ചിരുന്നു. ‘പ്രാണ പ്രതിഷ്ഠ’ ചടങ്ങ് കണക്കിലെടുത്തായിരുന്നു ഇത്.
പ്രതികരിക്കാൻ ഇവിടെ എഴുതുക: