ഷിംല: സോണിയാ ഗാന്ധിയെ പോലെ ഇറ്റാലിയനല്ല പ്രധാനമന്ത്രി നരേന്ദ്ര മോദിയെന്ന് നടിയും മാണ്ഡിയിലെ ബിജെപി സ്ഥാനാര്‍ത്ഥിയുമായ കങ്കണ റണാവത്ത്.
സോണിയയ്‌ക്ക് ഹിന്ദി പോലും അറിയില്ല. ഈ മണ്ണിന്റെ മകനാണ് മോദി. രാജ്യത്തിന്റെ പുരോഗതി മാത്രമാണ് അദ്ദേഹത്തിന്റെ ലക്ഷ്യം. കുളു ജില്ലയിലെ ജഗത്ഖാനയില്‍ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു കങ്കണ.
സദ്ഭരണത്തിന്റെ പ്രതീകമാണ് മോദി. കോണ്‍ഗ്രസ്് അഴിമതിയുടെ പ്രതീകമാണ്. അതുകൊണ്ട് തന്നെ ഹിമാചല്‍ പ്രദേശിലെ ജനങ്ങള്‍ ബിജെപിയെ വിജയിപ്പിക്കാനായി ഒരുങ്ങിയിരിക്കുകയാണ്. സംസ്ഥാനത്തെ കോണ്‍ഗ്രസ് സര്‍ക്കാര്‍ എല്ലാ രംഗങ്ങളിലും പരാജയപ്പെട്ടതായൂം അവര്‍ പറഞ്ഞു. കുടുംബാധിപത്യത്തിന്റെ പാരമ്പര്യമാണ് കോണ്‍ഗ്രസിന്റെത്. ബിജെപി സാധാരണക്കാരുടെ പാര്‍ട്ടിയാണ്. ഒരു സാധാരണക്കാരനായ ചായവില്പനക്കാരന് പ്രധാനമന്ത്രിയാകാന്‍ സാധിക്കുമെന്നതാണ് ബിജെപിയുടെ പ്രത്യേകതയെന്നും അവര്‍ പറഞ്ഞു.
പ്രതികരിക്കാൻ ഇവിടെ എഴുതുക: