ഹനുമാൻ ജയന്തിയോടനുബന്ധിച്ച് നിരവധി മുന്നൊരുക്കങ്ങളാണ് രാജ്യത്ത് നടക്കുന്നത്. ഏപ്രിൽ 23-നാണ് ഈ വർഷത്തെ ഹനുമാൻ ജയന്തി. യാത്രകളിഷ്ടപ്പെടുന്നവർക്കിതാ രാജ്യത്തെ പ്രധാന ഹനുമാൻ ക്ഷേത്രങ്ങൾ…
ഹിമാചൽ പ്രദേശിലെ ജാഖൂ ക്ഷേത്രം
സമുദ്രനിരപ്പിൽ നിന്നും 8,100 അടി ഉയരത്തിലാണ് ജാഖൂ ക്ഷേത്രം സ്ഥിതി ചെയ്യുന്നത്. വാനര ദേവനായ ഹനുമാനാണ് ഇവിടുത്തെ പ്രതിഷ്ഠ. 108 അടി ഉയരത്തിലുള്ള വലിയ ഹനുമാൻ പ്രതിമയും ഇവിടുണ്ട്.
വാരണാസിയിലെ സങ്കട് മോചന ഹനുമാൻ ക്ഷേത്രം
അസ്സി നദിക്കരയിലാണ് സങ്കട് മോചന ഹനുമാൻ ക്ഷേത്രം സ്ഥിതി ചെയ്യുന്നത്. രാജ്യത്തെ ഏറ്റവും വലിയ ഹനുമാൻ മന്ദിരമായാണ് ക്ഷേത്രം അറിയപ്പെടുന്നത്. വർഷം തോറും പതിനായിരക്കണക്കിന് ഭക്തരാണ് ഇവിടെയത്തുന്നത്.
ജാംനഗറിലെ ഹനുമാൻ ക്ഷേത്രം
ബാല ഹനുമാൻ ക്ഷേത്രമാണ് ജാംനഗറിലുള്ളത്. കൂടാതെ നിരവധി ജൈന ക്ഷേത്രങ്ങളും സിദ്ധനാഥ് മഹാദേവ് ക്ഷേത്രവും ഇവിടെ സ്ഥിതി ചെയ്യുന്നുണ്ട്.
ഡൽഹിയിലെ ഹനുമാൻ ക്ഷേത്രം
രാജ്യത്തെ ചരിത്ര പ്രസിദ്ധമായ ക്ഷേത്രങ്ങളിൽ ഒന്നാണ് കൊണാട്ട് പ്ലേസിലെ ഹനുമാൻ ക്ഷേത്രം. മഹാഭാരതത്തിൽ പരാമർശിച്ചിരിക്കുന്ന അഞ്ച് ചരിത്ര പ്രസിദ്ധമായ ക്ഷേത്രങ്ങളിൽ ഒന്നാണിത്.
പ്രതികരിക്കാൻ ഇവിടെ എഴുതുക: