ന്യൂദല്‍ഹി: തെരഞ്ഞെടുപ്പ് പ്രചാരണത്തില്‍ പ്രവാസികളെ സജീവമാക്കാന്‍ ഹോട് ലൈന്‍ നമ്പറുമായി ബിജെപി.
NRI4NAMO കാമ്പയിന്റെ ഭാഗമായാണ് +918076707532 (വാട്‌സ് ആപ്പ്/ മൊബൈല്‍) എന്ന നമ്പര്‍ ലോഞ്ച് ചെയ്തത്. രാജ്യത്തിന്റെ ജനാധിപത്യ പ്രക്രിയയില്‍ ലോകമെമ്പാടുമുള്ള ഭാരതീയരുടെ പങ്കാളിത്തം ഉറപ്പാക്കുക എന്ന ലക്ഷ്യത്തോടെ ബിജെപിയുടെ വിദേശ് വിഭാഗാണ് പദ്ധതിക്ക് ചുക്കാന്‍ പിടിക്കുന്നത്.
വിദേശ രാജ്യങ്ങളിലെ 25 രാഷ്‌ട്രീയ പാര്‍ട്ടികളുടെ പ്രതിനിധികളെ ഭാരതത്തിലെ ജനാധിപത്യ പ്രക്രിയ കാണാനും പഠിക്കാനും ക്ഷണിച്ചിട്ടുണ്ടെന്ന് വിദേശ് വിഭാഗിന്റെ ചുമതല വഹിക്കുന്ന വിജയ് ചൗതായ്‌വാല എഎന്‍ഐയോട് പറഞ്ഞു. ഓണ്‍ലൈന്‍ വഴിയും നേരിട്ടുമുള്ള പ്രചാരണത്തിനാണ് പ്രവാസികള്‍ ലക്ഷ്യമിടുന്നത്. ഭാരതത്തിലേക്ക് പ്രചാരണത്തിനെത്താന്‍ ഇതിനകം ആയിരത്തോളം പേര് പേര് രജിസ്റ്റര്‍ ചെയ്തിട്ടുണ്ട്. രണ്ടാഴ്ചയെങ്കിലും രാജ്യത്ത് തങ്ങി പ്രചാരണം നടത്താന്‍ സമയം കണ്ടെത്തണമെന്നാണ് അവര്‍ക്ക് മുന്നില്‍ വച്ചിട്ടുള്ള നിര്‍ദേശം.
പ്രതികരിക്കാൻ ഇവിടെ എഴുതുക: