കോഴിക്കോട് : ബാലവിവാഹം നടന്നതായി പൊലീസ് കണ്ടെത്തിയതിനെ തുടര്ന്ന് 15 വയസുള്ള തമിഴ്നാട് സ്വദേശിനിയെ ജുവനൈല് ഹോമിലേക്ക് മാറ്റി. കുട്ടിയുടെ മൊഴിയുടെ അടിസ്ഥാനത്തില് എലത്തൂര് പൊലീസ് കേസെടുത്തു.
കോഴിക്കോട് വെസ്റ്റ് ഹില്ലില് 28കാരനൊപ്പമാണ് പെണ്കുട്ടി താമസിച്ചിരുന്നത്.ബാലവിവാഹം നടന്നതായി ചൊവ്വാഴ്ച എലത്തൂര് പൊലീസിന് രഹസ്യ വിവരം ലഭിച്ചിരുന്നു.
തുടര്ന്ന് നടത്തിയ അന്വേഷണത്തില് പൊലീസ് ഇവരെ കണ്ടെത്തി. 15കാരിയായ പെണ്കുട്ടിയെ ജുവനൈല് ഹോമിലേക്ക് മാറ്റുകയും ചെയ്തു. എന്നാണ് വിവാഹം നടന്നതെന്നോ എവിടെ വച്ചാണെന്നോ വ്യക്തമല്ല. പൊലീസ് അന്വേഷണം തുടരുകയാണ്.
പ്രതികരിക്കാൻ ഇവിടെ എഴുതുക: