തിരുവനന്തപുരം : പൂക്കോട് വെറ്ററിനറി കോളേജ് വിദ്യാര്‍ത്ഥി സിദ്ധാര്‍ത്ഥന്റെ മരണത്തില്‍ അന്വേഷണ കമ്മീഷനെ നിയോഗിച്ച് ചാന്‍സലര്‍ കൂടിയായ ഗവര്‍ണര്‍. ഹൈക്കോടതി മുന്‍ ജഡ്ജി എ ഹരിപ്രസാദിനാണ് അന്വേഷണ ചുമതല.
മുന്‍ വയനാട് ഡിവൈഎസ്പി വി ജി കുഞ്ഞനെ അന്വേഷണ സഹായിയായും നിയമിച്ചു. മൂന്ന് മാസത്തിനുള്ളില്‍ റിപ്പോര്‍ട്ട് നല്‍കണം.
വി സി, ഡീന്‍ എന്നിവരുടെ വീഴ്ചകളും അന്വേഷണ പരിധിയില്‍ ഉള്‍പ്പെടും. സര്‍വ്വകലാശാല അക്കൗണ്ടില്‍ നിന്നാകും കമ്മീഷന്റെ പ്രവര്‍ത്തന ചെലവ് കണ്ടെത്തുക. സര്‍വകലാശാല ചട്ടം അനുസരിച്ചാണ് ഗവര്‍ണറുടെ ഇടപെടല്‍.
സിബിഐ അന്വേഷണത്തിന് സംസ്ഥാന സര്‍ക്കാര്‍ ശുപാര്‍ശ ചെയ്‌തെങ്കിലും അന്തിമ തീരുമാനം വരും മുമ്പാണ് അന്വേഷണ കമ്മീഷനെ നിയമിച്ചുളള അന്വേഷണം.
പ്രതികരിക്കാൻ ഇവിടെ എഴുതുക: