തൃശ്ശൂര്‍: മാര്‍ഗദര്‍ശക മണ്ഡലത്തിന്റെ കേരള ഘടകം സംഘടിപ്പിക്കുന്ന സംന്യാസി മഹാസമ്മേളനം തൃശ്ശൂരില്‍ ഇന്ന് നടക്കും.
രാവിലെ മുതല്‍ തിരുവമ്പാടി നന്ദനം കണ്‍വെന്‍ഷന്‍ സെന്ററില്‍ ആചാര്യ സഭ, വൈകിട്ട് നാലിന് നാമജപ ഘോഷയാത്ര, തുടര്‍ന്ന് തെക്കേഗോപുര നടയില്‍ പൊതുസമ്മേളനം എന്നിവയാണ് പരിപാടികള്‍. േകരളത്തിലെ എല്ലാ സമ്പ്രദായങ്ങളിലുംപെട്ട നാനൂറിലധികം സംന്യാസിമാര്‍, ബ്രഹ്മചാരികള്‍, ആധ്യാത്മിക ആചാര്യന്മാര്‍ എന്നിവര്‍ സമ്മേളനത്തില്‍ പങ്കെടുക്കും.
ജാതി വിവേചനത്തിനെതിരെയും വര്‍ധിച്ചുവരുന്ന ലഹരി, മയക്കുമരുന്ന് ഉപയോഗത്തിനെതിരെയും ആചാര്യസഭയില്‍ ചര്‍ച്ചകള്‍ നടക്കും. ഭാവി കര്‍മപരിപാടികള്‍ ആവിഷ്‌കരിക്കും. മതേതരത്വം, പുരോഗമനം തുടങ്ങിയ പേരില്‍ ഹിന്ദു ആരാധനാലയങ്ങള്‍, ആശ്രമങ്ങള്‍, ആചാരാനുഷ്ഠാനങ്ങള്‍ എന്നിവ നശിപ്പിക്കാന്‍ ശ്രമിക്കുന്ന നിരീശ്വരവാദികളുടെയും ഭീകരവാദികളുടെയും വെല്ലുവിളികള്‍ പൊതുസമൂഹത്തിന്റെ മുന്നില്‍ അവതരിപ്പിക്കുന്നതിന് പദ്ധതി തയ്യാറാക്കുമെന്ന് സംഘാടകര്‍ പറഞ്ഞു.
ക്ഷേത്രാചാരങ്ങളില്‍ കാലോചിതമായ പരിഷ്‌കാരങ്ങള്‍ വരുത്താനുള്ള ചര്‍ച്ചകള്‍ നടത്തും. പൊതുസമ്മേളനത്തില്‍ മാര്‍ഗദര്‍ശക മണ്ഡലത്തിന്റെ തൃശ്ശൂര്‍ വിളംബരം സ്വാമി ചിദാനന്ദപുരി പ്രഖ്യാപിക്കും. നാമജപ ഘോഷയാത്രയിലും സമ്മേളനത്തിലും പൊതുജനങ്ങള്‍ക്ക് പങ്കെടുക്കാം.
പ്രതികരിക്കാൻ ഇവിടെ എഴുതുക: