തിരുവനന്തപുരം: ആര്‍സി ബുക്ക് ലൈസന്‍സ് വിതരണം വീണ്ടും തുടങ്ങാന്‍ തീരുമാനം. പ്രിന്റിംഗ് കമ്പനിക്ക് കുടിശ്ശിക ആയതോടെയാണ് ആര്‍സി ബുക്ക്, ലൈസന്‍സ് എന്നിവയുടെ പ്രിന്റിംഗും വിതരണവും മുടങ്ങിയത്. ഇതോടെ ലക്ഷക്കണക്കിന് പേര്‍ക്കാണ് ആര്‍സി ബുക്കോ ലൈസന്‍സോ കിട്ടാതെ മാസങ്ങളായി വലയുന്നത്. കരാറുകാര്‍ക്ക് 9 കോടി നല്‍കാന്‍ ഇന്നലെ ധനവകുപ്പ് ഉത്തരവിറക്കിയതോടെയാണ് പ്രശ്‌നത്തിന് പരിഹാരമായത്.
അടുത്ത ആഴ്ച മുതല്‍ വിതരണം പുനഃരാരംഭിക്കുമെന്നാണ് റിപ്പോര്‍ട്ട്. വിതരണത്തിനായി 25,000 രേഖകള്‍ ഇതിനോടകം അച്ചടിച്ചു കഴിഞ്ഞു. അതേസമയം പോസ്റ്റല്‍ വഴിയുള്ള വിതരണത്തില്‍ തീരുമാനം ഇനിയുമായിട്ടില്ല. ഇക്കാര്യത്തില്‍ ഉടന്‍ തീരുമാനമുണ്ടാകുമെന്നാണ് സൂചന. നിലവില്‍ രേഖകള്‍ ആര്‍ടിഒ ഓഫീസുകളില്‍ നേരിട്ടെത്തിച്ച് വിതരണം ചെയ്യാനാണ് തീരുമാനം.
പ്രതികരിക്കാൻ ഇവിടെ എഴുതുക: