ന്യൂഡൽഹി: ജൻ ഔഷധി മെഡിക്കൽ ഷോപ്പുകൾ ആരംഭിക്കാൻ സാമ്പത്തിക സഹായവുമായി ദേശീയ ചെറുകിട വ്യവസായ ബാങ്ക്. ഈടില്ലാതെ അഞ്ച് ലക്ഷം രൂപയാണ് വായ്പ നൽകുന്നത്. പ്രവർത്തന മൂലധനമായി രണ്ട് ലക്ഷം രൂപയും വായ്പ നൽകും. നിലവിൽ രാജ്യത്ത് 11,000 ജൻ ഔഷധി കേന്ദ്രങ്ങളാണുള്ളത്. ഇവ 25,000 ആയി ഉയർത്തുക എന്നതാണ് ലക്ഷ്യം വയ്ക്കുന്നത്.
മികച്ച തൊഴിലവസരവും ഇതിലൂടെ ലക്ഷ്യം വയ്ക്കുന്നു. പദ്ധതിയുടെ 80 ശതമാനമായാണ് വായ്പ നൽകുന്നത്. ആറ് മാസത്തെ മൊറട്ടോറിയം കാലാവധിയാണ് ലഭിക്കുന്നത്്. മൂന്ന് വർഷമാണ് തിരിച്ചടവ് കാലാവധി. മരുന്നുകളുടെ സ്റ്റോക്ക് വാങ്ങുന്നതിനാണ് രണ്ട് ലക്ഷം രൂപ വായ്പ നൽകുന്നത്.
വായ്പ ലഭിക്കുന്നതിനായി ഓൺലൈൻ മുഖേനയാണ് അപേക്ഷ സമർപ്പിക്കേണ്ടത്. website:jak-prayaasloans.sidbi.in എന്ന വെബ്സൈറ്റിലൂടെ അപേക്ഷ സമർപ്പിക്കാവുന്നതാണ് . അപേക്ഷ സമർപ്പിക്കുന്നതിനായി എംഎസ്എംഎ ഉദ്യം രജിസ്ട്രേഷനും ആവശ്യമാണ്. janaushadhi.gov.in എന്ന വെബ്സൈറ്റിലൂടെയാണ് ജൻ ഔഷധി കേന്ദ്രം ആരംഭിക്കുന്നതിനായി അപേക്ഷ സമർപ്പിക്കേണ്ടത്.
പ്രതികരിക്കാൻ ഇവിടെ എഴുതുക: