ചെന്നൈ: റുപേ പ്രൈംവോളിബോള്‍ ലീഗ് സൂപ്പര്‍ ഫൈവില്‍ വിജയക്കുതിപ്പ് തുടര്‍ന്ന് ദല്‍ഹി തൂഫാന്‍സ്. ഇന്നലെ നടന്ന മത്സരത്തില്‍ കരുത്തരായ കാലിക്കറ്റ് ഹീറോസിനെയാണ് തൂഫാന്‍സ് വീഴ്ത്തിയത്.
ആദ്യ സെറ്റ് നേടിയ ശേഷമായിരുന്നു ഹീറോസിന്റെ തോല്‍വി. സ്‌കോര്‍: 14-16, 15-9, 15-11, 15-13. ഡാനിയേല്‍ അപോണ്‍സയാണ് കളിയിലെ താരം. സൂപ്പര്‍ ഫൈവില്‍ ഡല്‍ഹിയുടെ തുടര്‍ച്ചയായ രണ്ടാം ജയമാണിത്. ആദ്യ മത്സരത്തില്‍ ബെംഗളൂരിനെ തോല്‍പിച്ചിരുന്നു. ജയത്തോടെ അഞ്ച് പോയിന്റുമായി തൂഫാന്‍സ് ഒന്നാമതെത്തി.
ഇന്ന് കാലിക്കറ്റ് ഹീറോസ് വീണ്ടും കളത്തിലിറങ്ങും. രാത്രി 8.30ന് ബെംഗളൂരു ടോര്‍പ്പിഡോസുമായാണ് മത്സരം. ആദ്യ മത്സരത്തില്‍ ദല്‍ഹിയോട് തോറ്റ ബെംഗളൂരു, അഹമ്മദാബാദിനെതിരെ വമ്പന്‍ തിരിച്ചുവരവില്‍ തകര്‍പ്പന്‍ ജയം നേടിയിരുന്നു. വൈകിട്ട് 6.30ന് നടക്കുന്ന ആദ്യ മത്സരത്തില്‍ അഹമ്മദാബാദ് ഡിഫന്ഡേഴ്സ് മുംബൈ മിറ്റിയോഴ്സിനെ നേരിടും.
പ്രതികരിക്കാൻ ഇവിടെ എഴുതുക: