ന്യൂദല്‍ഹി: ഭാരതത്തിലെ 140 കോടി ജനങ്ങളാണ് മോദിയുടെ കുടുംബം. പ്രധാനമന്ത്രിക്ക് എതിരായ പരാമര്‍ശം, ആര്‍ജെഡി നേതാവിന്റെ കേവലമായ രാഷ്‌ട്രീയത്തെയാണ് കാണിക്കുന്നതെന്നും കേന്ദ്ര സഹമന്ത്രി നിത്യാനന്ദ റായി പറഞ്ഞു. ‘പ്രധാനമന്ത്രി മോദിക്ക് കുടുംബമില്ല’ എന്ന ലാലു പ്രസാദ് യാദവിന്റെ പ്രസ്താവനയ്‌ക്കെതിരെ ഒറ്റക്കെട്ടായി ബിജെപി നടത്തുന്ന പ്രതിഷേധത്തിന്റെ ഭാഗമായാണ് നിത്യാനന്ദ റായിയുടെ പ്രതികരണം.
ആര്‍ജെഡി മേധാവി നടത്തിയ പരാമര്‍ശങ്ങള്‍ അങ്ങേയറ്റം പ്രതിഷേധാര്‍ഹമാണെന്നും ബിഹാറില്‍ പൊതുജനങ്ങളുടെ പിന്തുണ നഷ്ടപ്പെട്ടതിന്റെ നിരാശയാണ് നരേന്ദ്ര മോദി എതിരായി കണ്ടതെന്നും അദേഹം പറഞ്ഞു. മോദി പരിവാര്‍ എന്നാല്‍ രാജ്യത്തെ 140 കോടി ജനങ്ങളുടെ കുടുംബമാണ്. അത് സ്വന്തം സംസ്ഥാനത്തെ ജനങ്ങളെ പോലും തിരിച്ചറിയാത്ത ലാലു യാദവിനെപ്പോലെയുള്ളവര്‍ക്ക് മനസിലാക്കില്ലന്നും അദേഹം പ്രതികരിച്ചു.
കുടുംബാധിപത്യവും അഴിമതിയും മാത്രം കൈമുതലായി ഉള്ളവര്‍ക്ക് മറ്റെന്ത് ആരോപിക്കാന്‍. എന്നാലും അവര്‍ നടത്തിയ പരാമര്‍ശം കേവലമായ രാഷ്‌ട്രീയം മാത്രമായി ജനങ്ങള്‍ കണക്കാകുമെന്നും അദേഹം പറഞ്ഞു. നിരന്തരമായി തോല്‍വികള്‍ അനുഭവപെട്ടതിന്റെ പ്രതിഫലനമാണ് ഈ പ്രതികരണം.
പ്രതികരിക്കാൻ ഇവിടെ എഴുതുക: