ന്യൂദല്‍ഹി: സെല്‍ഫിയെടുക്കാന്‍ സ്ഥാപിച്ച മോദിയുടെ കട്ടൗട്ടില്‍ കെട്ടിപ്പിടിച്ച് അശ്ലീലനൃത്തം ചെയ്ത യുവതിയെക്കുറിച്ച് അന്വേഷണം. കഴിഞ്ഞ ദിവസമാണ് ഈ സ്ത്രീ മോദിയുടെ കട്ടൗട്ടിനടുത്ത് അശ്ലീലനൃത്തം വെയ്‌ക്കുന്നതിന്റെ വീഡിയോ ഇന്‍സ്റ്റഗ്രാം റീല്‍ ആയി പുറത്തിറങ്ങിയത്.
സര്‍ക്കാരിന്റെ ക്ഷേമപരിപാടികളുടെ പ്രചരണാര്‍ത്ഥവും സെല്‍ഫി എടുക്കുന്നതിനുമാണ് ഈ കട്ടൗട്ടുകള്‍ രാജ്യത്തെ വിവിധ റെയില്‍വേ സ്റ്റേഷനുകളിലും റേഷന്‍ കടകള്‍ക്ക് മുന്‍പിലും മറ്റും സ്ഥാപിച്ചിരിക്കുന്നത്. ഇതിന് മുന്‍പില്‍ പ്രകോപനപരമായ രീതിയില്‍ വേഷം ധരിച്ച സ്ത്രീയെക്കൊണ്ട് നൃത്തം ചെയ്യിച്ചത് സമൂഹമാധ്യമങ്ങള്‍ വ്യൂ കിട്ടാന്‍ ഉദ്ദേശിച്ച് ആരോ ചെയ്തതാകാമെന്ന് കരുതുന്നു. ഇന്‍സ്റ്റഗ്രാമില്‍ ഈ റീല്‍ പൊടുന്നനെ വൈറലായി.
ഇതിന് പിന്നില്‍ പ്രവര്‍ത്തിച്ചയാളെ കണ്ടെത്താന്‍ ശ്രമം തുടങ്ങി. ഇതിന് പിന്നില്‍ രാഷ്‌ട്രീയ ഗൂഢാലോചനയുണ്ടോ എന്നും അന്വേഷിക്കുന്നുണ്ട്. ഈ സെല്‍ഫി പോയിന്‍റ് രാജ്യത്ത് എവിടെ ഉള്ളതാണെന്ന് മനസ്സിലാക്കാനായിട്ടില്ല. 1993ലെ സൂപ്പര്‍ ഹിറ്റ് സിനിമയായ ഖല്‍നായിക് എന്ന സിനിമയിലെ ഗാനമിട്ടാണ് യുവതി നൃത്തം ചെയ്യുന്നത്.
പ്രതികരിക്കാൻ ഇവിടെ എഴുതുക: