അകമലയിൽ ചന്ദനവുമായി രണ്ട് പേർ പിടിയിൽ

പാലക്കാട്: 270 കിലോഗ്രാം ചന്ദനമരത്തടികളുമായി രണ്ട് പേർ പിടിയിൽ. പെരുമ്പാവൂർ അല്ലപ്ര ചുറപ്പുള്ളി മുഹമ്മദ്കുഞ്ഞ് ഇയാളുടെ മകൻ നിസാർ എന്നിവരെയാണ് വനം വകുപ്പ് പിടികൂടിയത്. കരിമ്പുഴ ഭാഗത്ത് നിന്ന് പെരുമ്പാവൂരിലേക്ക് മിനിലോറിയിൽ കൊണ്ടുപോകവെയാണ് പിടികൂടിയത്. വടക്കാഞ്ചേരി അകമലയിൽ നിന്ന് ഫോറസ്റ്റ് ഫ്‌ളൈയിംഗ് സ്‌ക്വാഡാണ് ഇരുവരെയും പിടികൂടിയത്.

രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതിയെ പിടികൂടിയത്. കരിമ്പുഴയിൽ നിന്നാണ് ചന്ദനം ലഭിച്ചതെന്ന് ഇരുവരും മൊഴി നൽകിയെന്ന് ഉദ്യോഗസ്ഥർ പറയുന്നു. ഇതിന്റെ അടിസ്ഥാനത്തിൽ കേസ് ഷൊർണൂരിലേക്ക് കൈമാറി. മുഹമ്മദ്കുഞ്ഞും നിസാറും ചന്ദനക്കടത്ത് സംഘത്തിലെ കണ്ണികളാണെന്നും ഉദ്യോഗസ്ഥർ വ്യക്തമാക്കി.