ഗൂഡല്ലൂർ: ത്യമിഴ്നാട്ടിലെ പന്തല്ലൂരില്‍ ജനവാസമേഖലയില്‍ ഇറങ്ങി കുട്ടിയെ കൊന്ന പുലി വനംവകുപ്പിന്റെ പിടിയിലായി. രണ്ട് തവണ പുലിയെ മയക്കുവെടി വച്ചു. വൈകാതെ കൂട്ടിലേക്ക് മാറ്റും. മൂന്ന് വയസുകാരിയെ കൊലപ്പെടുത്തിയ പുലിയെ പിടികൂടാത്തതില്‍ നാട്ടുകാര്‍ പ്രതിഷേധിക്കുന്നതിനിടെയിലാണ് പുലി പിടിയിലാകുന്നത്. കുട്ടിയെ ആക്രമിച്ചതിന്റെ സമീപപ്രദേശത്തു നിന്നാണ് പുലിയ കണ്ടെത്തിയത്.
പുലിയെ വെടിവെച്ചു കൊല്ലണം എന്നാണ് നാട്ടുകാരുടെ ആവശ്യം. ഇന്നലെ വൈകുന്നേരം അഞ്ചു മണിക്കാണ് മൂന്ന് വയസ്സുകാരി നാന്‍സിയെ പുലി കടിച്ചു കൊലപ്പെടുത്തിയത്. പുലിയെ പിടികൂടാത്തതില്‍ പ്രതിഷേധിച്ചു ഇന്നലെ രാത്രി മുതല്‍ ആരംഭിച്ച റോഡ് ഉപരോധം ഇന്നും തുടര്‍ന്നു. പുലി കുടുങ്ങിയതറിഞ്ഞ് പ്രദേശത്തേയ്‌ക്ക് ആളുകൾ കൂട്ടമായി എത്തിയതിനാൽ തൊണ്ട്യാളം അംബ്രോസ് വളവ് ഭാഗത്ത് വനം വകുപ്പ് ഗതാഗതം വിലക്കി.
തേയിലതോട്ടത്തിൽ നിന്നും പ്രദേശത്തെ കൈതക്കാടിനുള്ളിലേക്ക് പോകുന്നതിനിടെയാണ് പുലിയെ വെടിവച്ചത്. മയക്കു വെടി വയ്‌ക്കാൻ നാല് വെറ്റിനറി ഡോക്ടർമാരാണ് സ്ഥലത്തെത്തിയത്.
പ്രതികരിക്കാൻ ഇവിടെ എഴുതുക: