തിരുവനന്തപുരം: തെരുവുനായ്ക്കളുടെ ആക്രമണത്തിൽ നാലാം ക്ലാസ് വിദ്യാർത്ഥിയ്‌ക്ക് സാരമായി പരിക്കേറ്റു. കുട്ടിയെ തെരുവുനായകളുടെ കൂട്ടം കടിച്ചു കുടഞ്ഞുവെന്നാണ് വിവരം. പുതിയതുറ സ്വദേശി ശിലുവയ്യൻ-അജിത ദമ്പതികളുടെ മകൻ സ്റ്റിജോയ് എന്ന എട്ട് വയസുകാരനാണ് ആക്രമണത്തിന് ഇരയായത്.
ഇന്നലെ വൈകിട്ട് നാല് മണിയോടെയായിരുന്നു സംഭവം. സ്‌കൂളിൽ നിന്നും എത്തിയ ശേഷം ബീച്ച് റോഡിൽ കളിക്കാൻ പോകവെയാണ് ആക്രമണം നടന്നത്. കുട്ടിയുടെ കാൽമുട്ടിന് പിന്നിലും പിൻഭാഗത്തും കടിയേറ്റ് മാംസം അടർന്ന നിലയിലാണ്. മത്സ്യത്തൊഴിലാളികളാണ് തെരുവുനായ്‌ക്കളിൽ നിന്നും കുട്ടിയെ രക്ഷിച്ചത്.
ശരീരത്തിനുള്ളിൽ 12-ഓളം മുറിവുകളാണ് ഉള്ളതെന്ന് ബന്ധുക്കൾ പറയുന്നു. കുട്ടിയെ കമഴ്‌ത്തി കിടത്തിയാണ് ആശുപത്രിയിൽ എത്തിച്ചത്. മുറിവുകൾ ഗുരുതരമായതിനാൽ രക്തം നിലയ്‌ക്കാതെ ഒഴുകുകയായിരുന്നു. കുട്ടിയെ തിരുവനന്തപുരം മെഡിക്കൽ കോളേജ് ആശുപത്രിയിലും പിന്നട് എസ്എടി ആശുപത്രിയിലും പ്രവേശിപ്പിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക: