തൃക്കരിപ്പൂര്‍: പിണറായി ഭരണത്തില്‍ കേരളത്തിലെ പോലീസുകാര്‍ സിപിഎമ്മിന്റെ പാദസേവകരായി മാറിയെന്ന് ബിജെപി സംസ്ഥാന ഉപാധ്യക്ഷ ശോഭ സുരേന്ദ്രന്‍ പറഞ്ഞു.
തൃക്കരിപ്പൂര്‍ മണ്ഡലം കമ്മറ്റിക്കുവേണ്ടി തൃക്കരിപ്പൂരില്‍ പണികഴിപ്പിച്ച മാരാര്‍ജി സ്മൃതി മന്ദിരം ഉദ്ഘാടനം ചെയ്ത് സംസാരിക്കുകയായിരുന്നു അവര്‍. കേരളത്തിലെ പോലീസുകാരോട് എസ്എഫ്‌ഐ നേതാവ് കക്കുസ് കഴുക്കാന്‍ പറയുമ്പോള്‍ നട്ടെല്ല് വളച്ച് നില്‍ക്കുകയാണ് നമ്മുടെ പോലീസ്. ക്രൈം റേറ്റിംഗില്‍ കേരളം ഇന്ത്യയില്‍ ഒന്നാം സ്ഥാനത്തായി നില്‍ക്കുകയാണെന്നും ശോഭ സുരേന്ദ്രന്‍ പറഞ്ഞു.
കേരളത്തില്‍ 22 ഓളം ഭീകരവാദ സംഘടനക്കള്‍ തളച്ച് വളര്‍ന്നപ്പോള്‍ ദേശീയ അന്വേഷണ ഏജന്‍സികള്‍ കേരളത്തില്‍ എത്തി അവരെ കൈയ്യാമം വെച്ച് കൊണ്ടുപോയി ജയിലിടച്ചു. പിണറായി സര്‍ക്കാര്‍ ശബരിമലയെ തകര്‍ത്തു. പാവപ്പെട്ട അയ്യപ്പ ഭക്തന്‍മാര്‍ക്ക് കുടിവെള്ളം പോലും നല്‍കിയില്ല. ഇതിന് പിണറായി മറുപടി പറയേണ്ടി വരുമെന്നും ശോഭ മുന്നറിപ്പ് നല്‍കി.
സാധാരണക്കാരന്‍ സഹകരണ ബേങ്കില്‍ നിക്ഷേപിച്ച പണം മന്ത്രി രാധാകൃഷ്ണനും മുന്‍ മന്ത്രി മൊയ്തിനും അടിച്ച് മാറ്റി. ഇതിന്റെ പേരില്‍ സാധാരണ സ്ത്രീകള്‍ ജയിലില്‍ പോകേïണ്ടി വന്നു. സഹകരണ ബേങ്ക് തട്ടിപ്പില്‍ ഇടതും വലതും ഒത്ത് കളിക്കുകയാണെന്നും അവര്‍ ചൂണ്ടികാട്ടി. നരേന്ദ്ര മോദി സര്‍ക്കാര്‍ എല്ലാ രംഗത്തും മുന്നേറ്റം നടത്തുമ്പോള്‍ കേരളത്തിന് ഒന്നും തരുന്നില്ല എന്ന് വിലപിക്കുകയാണ് പിണറായി സര്‍ക്കാര്‍.
നിര്‍മ്മാണ കമ്മറ്റി ചെയര്‍മാന്‍ പി.പി. കുഞ്ഞിക്കണ്ണന്‍ അധ്യക്ഷനായി. ജില്ലാ ജനറല്‍ സെക്രട്ടറി എ. വേലായുധന്‍, മണ്ഡലം പ്രസിഡന്റ് ടി.വി. ഷിബിന്‍, ടി. കുഞ്ഞിരാമന്‍, എം. ഭാസ്‌ക്കരന്‍, യു. രാജന്‍, പി.വി. വിജയന്‍, കെ.ടി. മോഹനന്‍, പി.വി. കരുണാകരന്‍, കെ. നളിനി എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: