കൊല്ലം: സ്‌കൂട്ടറില്‍ സഞ്ചരിച്ച യുവാവിനെ മാരകായുധങ്ങളുമായി എത്തി ആക്രമിച്ച കേസിലെ പ്രതികള്‍ പിടിയില്‍. കരുനാഗപ്പള്ളി പാവുമ്പ കാളിയമ്പലം കുട്ടത്തേത് വടക്കതില്‍ ബിനു എന്ന തബൂക്ക് (26), പാവുമ്പ ചെറുവേലി കിഴക്കതില്‍ ശ്രീക്കുട്ടന്‍(24), പാവുമ്പ മണപ്പള്ളി തെക്ക് പുത്തരേത്ത് തെക്കതില്‍ രാജേഷ് (24) എന്നിവരെയാണ് കരുനാഗപ്പള്ളി പൊലീസ് അറസ്റ്റ് ചെയ്തത്. പാവുമ്പ സ്വദേശി അനില്‍ കുമാറിനെയാണ് ഇവര്‍ അക്രമിച്ചത്.
ബുധനാഴ്ചയാണ് കേസിനാധാരമായ സംഭവമുണ്ടായത്. കരുനാഗപ്പള്ളിയിലെ മലയടക്കുറ്റി ക്ഷേത്രത്തിലെ ഉത്സവത്തോടനുബന്ധിച്ച് നടത്തിയ നാടന്‍ പാട്ടിനിടയിലാണ് പ്രതികള്‍ക്ക് മര്‍ദനമേറ്റത്.
മര്‍ദിച്ച സംഘത്തില്‍ ഉളള ആളാണെന്ന് തെറ്റിദ്ധരിച്ച് രാത്രി ക്ഷേത്രത്തിലേക്ക് സ്‌കൂട്ടറില്‍ വന്ന അനില്‍ കുമാറിനെ വെട്ടത്തേത്ത് ജംഗ്ഷനില്‍ വച്ച് തടഞ്ഞ് പ്രതികള്‍ മാരകായുധങ്ങളുമായി ആക്രമിക്കുകയായിരുന്നു.
പ്രതികരിക്കാൻ ഇവിടെ എഴുതുക: