ശ്രീനഗര്‍: ജമ്മുവില്‍ റോഡ് നിര്‍മിക്കുന്നതിനിടെ തുരുമ്പിച്ച ആയുധങ്ങള്‍ കണ്ടെത്തി. അഖ്നൂര്‍ ജില്ലയിലെ കച്ചാറയില മേഖലയില്‍ റോഡ് നിര്‍മാണ പ്രവര്‍ത്തനത്തിനിടെയാണ് തുരുമ്പിച്ച ആയുധങ്ങളും വെടിക്കോപ്പുകളും കണ്ടെത്തിയത്. ശനിയാഴ്ചയാണ് സംഭവം. വിവരമറിഞ്ഞ് പോലീസ് സ്ഥലത്തെത്തി.
തുടര്‍ന്ന് സൈനിക ഉദ്യോഗസ്ഥരെ വിവരമറിയിക്കുകയായിരുന്നുവെന്ന് അഖ്നൂര്‍ സബ് ഡിവിഷണല്‍ പോലീസ് ഓഫീസര്‍ മോഹന്‍ ശര്‍മ്മ പറഞ്ഞു. നിരവധി മോട്ടോര്‍ ഷെല്ലുകളും എല്‍എംജി, എസ്എല്‍ആര്‍ റൗണ്ടുകളും ഉള്‍പ്പെടുന്ന ആയുധങ്ങളാണ് കണ്ടെത്തിയത്. പരിശോധനകള്‍ക്ക് ശേഷം ഇവ സുരക്ഷിത കേന്ദ്രത്തിലേക്ക് മാറ്റി.
പ്രതികരിക്കാൻ ഇവിടെ എഴുതുക: