മണ്ഡലകാലം; ശബരിമല തീർത്ഥാടകർക്കാശ്വാസമേകാൻ വന്ദേഭാരത് സ്‌പെഷ്യൽ ട്രെയിൻ സർവീസ് ഇന്ന് മുതൽ

ചെന്നൈ: ശബരിമല തീർത്ഥാടകർക്കായി അനുവദിച്ച സ്‌പെഷ്യൽ വന്ദേഭാരത് എക്‌സ്പ്രസ് ചെന്നൈയിൽ നിന്ന് പുറപ്പെട്ടു. രാവിലെ 4.30-ന് പുറപ്പെട്ട ട്രെയിൻ വൈകുന്നേരം 4.15-ന് കോട്ടയത്ത് എത്തും. ഡിസംബർ 25 വരെയാണ് ആദ്യഘട്ടത്തിൽ ട്രെയിൻ സർവീസ് പ്രഖ്യാപിച്ചിരിക്കുന്നത്.

ഡിസംബർ 15,17,22,24 തീയതികളിലായി നാല് ദിവസം സർവീസ് ഉണ്ടാകും. ചെന്നൈയിൽ നിന്ന് വെള്ളി, ഞായർ ദിനങ്ങളിലാകും സർവീസ് ഉണ്ടാകുക. കോട്ടയത്ത് നിന്നും ശനി, തിങ്കൾ എന്നീ ദിവസങ്ങളിലും സ്‌പെഷ്യൽ വന്ദേഭാരത് ട്രെയിനുകൾ സർവീസ് നടത്തും.