മലപ്പുറം: സ്‌കൂള്‍ ബസ് മറിഞ്ഞ് 25 ഓളം വിദ്യാര്‍ത്ഥികള്‍ക്ക് പരിക്ക്.മരവട്ടം ഗ്രെയ്സ് വാലി പബ്ലിക് സ്‌കൂള്‍ ബസ് ആണ് അപകടത്തില്‍പ്പെട്ടത്.
പാങ്ങ് കടുങ്ങാമുടിയിലായിരുന്നു അപകടമുണ്ടായത്.നിയന്ത്രണം വിട്ട് മരത്തിലിടിച്ച് റോഡിന് സമീപത്തെ ഓടയിലേക്കാണ് ബസ് മറിഞ്ഞത്. ആരുടേയും പരിക്ക് ഗുരുതരമല്ല.
ബസില്‍ 42 വിദ്യാര്‍ഥികളാണുണ്ടായിരുന്നത്. പരിക്കേറ്റ 25 പേരില്‍ 15 പേരെ ചട്ടിപ്പറമ്പ് സ്വകാര്യ ക്ലിനിക്കിലേക്കും 10 പേരെ പാങ്ങ് കുടുബാരോഗ്യ കേന്ദ്രത്തിലേക്കും നാട്ടുകാര്‍ എത്തിച്ചു. കൂടുതല്‍ പരിക്കേറ്റ മൂന്ന് വിദ്യാര്‍ഥികളേയും ഒരു അധ്യാപികയേയും പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: