ഇടുക്കി: നരേന്ദ്രമോദി സര്‍ക്കാര്‍ നടപ്പിലാക്കിയ ക്ഷേമ പദ്ധതികള്‍ എന്‍ഡിഎ സര്‍ക്കാരിനെ ജനകീയമാക്കി മാറ്റിയെന്ന് ബിജെപി ദേശീയ ഉപാധ്യക്ഷന്‍ എ.പി. അബ്ദുള്ളക്കുട്ടി അഭിപ്രായപ്പെട്ടു. കരിമണ്ണൂരിലും മൂലമറ്റത്തും നടന്ന ജനപഞ്ചായത്ത് ഉദ്ഘാടനം ചെയ്ത് സംസാരിക്കുയായിരുന്നു അദ്ദേഹം.
പെന്‍ഷന്‍ കിട്ടാതെ മറിയക്കുട്ടിമാര്‍ ഭിക്ഷപാത്രവുമായി നടക്കുന്ന നാട്ടില്‍ കേരളീയവും നവകേരള സദസും നടത്തി ഇടത് സര്‍ക്കാര്‍ സ്വയം ഇളഭ്യരാകുകയാണ്. പിണറായി സര്‍ക്കാരിന് അടുത്ത പാര്‍ലമെന്റ് തെരഞ്ഞെടുപ്പില്‍ ജയിക്കാനാകില്ലെന്ന് മനസിലായി. അതുകൊണ്ടാണ് മുസ്ലീം ലീഗിനെ മുന്നണിയില്‍ കൂട്ടാന്‍ ശ്രമിക്കുന്നത്. ലീഗ് ഇതിന് തയ്യാറായിട്ടില്ല. എന്നാല്‍ ഹമാസ് തീവ്രവാദികളെ കൂടെ കൂട്ടാനായി. പോപ്പുലര്‍ ഫ്രണ്ട് തീവ്രവാദിയാണെങ്കില്‍ അവരുടെ മൂത്താപ്പയാണ് ഹമാസെന്നും എ.പി. അബ്ദുള്ളക്കുട്ടി പറഞ്ഞു.
ജിഹാദികളെ കൂട്ട് പിടിക്കുന്ന ഇടത്, വലത് നേതൃത്വം ഒറ്റപ്പെടും. ഭാരതം പാലസ്തീനൊപ്പമാണ്. വരുന്ന അഞ്ച് സംസ്ഥാന തെരഞ്ഞെടുപ്പില്‍ ബിജെപി വന്‍ മുന്നേറ്റം നടത്തും. 2024ല്‍ മോദി സര്‍ക്കാര്‍ അധികാരത്തിലെത്താന്‍ പാവങ്ങള്‍ക്ക് ചെയ്ത് നല്‍കിയ ക്ഷേമപ്രവര്‍ത്തനം മാത്രം മതി. അഴിമതി വിരുദ്ധ നരേന്ദ്രമോദി സര്‍ക്കാര്‍ ചെറുപ്പക്കാരുടെ ഹരമാണെന്നും എ.പി. അബ്ദുള്ളക്കുട്ടി പറഞ്ഞു.
പ്രതികരിക്കാൻ ഇവിടെ എഴുതുക: