പ്രവാസികൾക്ക് സന്തോഷ വാർത്ത: തിരുവനന്തപുരം ഉൾപ്പെടെയുള്ള വിമാനത്താവളങ്ങളിലേക്ക് സർവീസ് ആരംഭിച്ച് സലാം എയർ

ദുബായ് : ഒമാനിലെ പ്രവാസികൾക്ക് ആശ്വാസമായി സലാം എയർ സർവീസ് ആരംഭിക്കുന്നു. നവംബർ 21-നാണ് സലാംഎയർ അധികൃതർ ഇക്കാര്യം അറിയിച്ചത്. ഡിസംബർ 5 മുതൽ കോഴിക്കോട്, തിരുവനന്തപുരം എന്നിവ ഉൾപ്പടെ അഞ്ച് ഭാരതീയ നഗരങ്ങളിലേക്ക് വിമാനസർവീസുകൾ ആരംഭിക്കാൻ തീരുമാനിച്ചതായി സലാംഎയർ അറിയിച്ചു.

ഡിസംബർ അഞ്ച് മുതൽ കോഴിക്കോട്, തിരുവനന്തപുരം, ഹൈദരാബാദ്, ജയ്‌പൂർ, ലക്നൗ എന്നീ നഗരങ്ങളിലേക്കാണ് സലാംഎയർ നേരിട്ടുള്ള സർവീസ് ആരംഭിക്കുന്നത്. മസ്കറ്റിൽ നിന്നാണ് ഈ വിമാനങ്ങൾ സർവീസ് നടത്തുന്നത്.

ജയ്‌പൂർ, കോഴിക്കോട്, തിരുവനന്തപുരം, ലക്നൗ എന്നീ നഗരങ്ങളിലേക്ക് സലാംഎയർ നേരത്തെ സർവീസ് നടത്തിയിരുന്നു. എന്നാൽ 2023 ഒക്ടോബർ 1 മുതൽ സലാംഎയർ ഇന്ത്യയിലേക്കുള്ള എല്ലാ വിമാനസർവീസുകളും നിർത്തലാക്കിയിരുന്നു.