ആലപ്പുഴ: മണ്ണഞ്ചേരിയില്‍ എംഡിഎംഎ, കഞ്ചാവ്, നൈട്രോസല്‍ഫാം ഗുളിക എന്നിവയുടെ വന്‍ ശേഖരം പിടികുടി. ഒരാള്‍ അറസ്റ്റില്‍ കാവുങ്കല്‍ കുതിരക്കാട്ടുവെളിയില്‍ അതുല്‍രാജി (26) നെയാണ് പിടികുടിയത്.
ജില്ലാ ലഹരി വിരുദ്ധ സ്‌ക്വാഡും, മണ്ണഞ്ചേരി പോലീസും സംയുക്തമായി നടത്തിയ പരിശോധനയിലാണ് 50 ഗ്രാം എംഡിഎംഎയും, 200 ഗ്രാം കഞ്ചാവും, 25 നൈട്രോസെപ്പാം ഗുളികയുമായി അതുല്‍ രാജിനെ വളവനാട് കോള്‍ഗേറ്റ് – കാവുങ്കല്‍ റോഡില്‍ നിന്നും പിടികൂടിയത്.
പിടിച്ചെടുത്ത മയക്ക് മരുന്നിന് മൂന്ന് ലക്ഷം രൂപയ്‌ക്ക് മുകളില്‍ വിപണിയില്‍ വിലവരും. ബംഗഌരില്‍ നിന്നും കുറഞ്ഞ വിലയുക്ക് വാങ്ങി ഇവിടെയുള്ള ചെറുകിട കച്ചവടക്കാര്‍ക്ക് ഒരു ഗ്രാമിന് നാലായിരം രുപയ്‌ക്ക് ആണ് എംഡിഎംഎ വിറ്റിരുന്നത്. നര്‍കോട്ടിക് സെല്‍ ഡിവൈഎസ്പി സജിമോന്‍, ആലപ്പുഴ ഡിവൈഎസ്പി ജയരാജ്, മണ്ണഞ്ചേരി ഐഎസ്എച്ച്ഒ നിസാമുദ്ദിന്‍, സബ് ഇന്‍സ്‌പെക്ടര്‍ റെജി രാജ്, രാജേഷ്, സിവില്‍ പോലീസ് ഓഫീസര്‍മാരായ ഉല്ലാസ്, രജീഷ് പ്രജു, ആലപ്പുഴ ലഹരിവിരുദ്ധ സ്‌ക്വാഡിലെ ഉദ്യോഗസ്ഥര്‍ എന്നിവരാണ് അന്വേഷണം നടത്തിയത്.
പ്രതികരിക്കാൻ ഇവിടെ എഴുതുക: