ചാവക്കാട്: കോഫി വിത്ത് എസ്ജി എന്ന പരിപാടിയിലൂടെ മുന്‍ എംപി സുരേഷ് ഗോപിയുമായി സംവാദിക്കുന്നതിനായി നൂറുകണക്കിനാളുകള്‍ കടപ്പുറം ഗ്രാമ പഞ്ചായത്ത് നാലുമണിക്കാറ്റ് പാര്‍ക്കില്‍ എത്തി. പൊതുജനങ്ങളുടെ പരാതികളും വികസന കാഴ്ചപാടുകളും പരിപാടിയില്‍ ചര്‍ച്ചയായി.
കുടിവെള്ളം,ഗതാഗതം, കടല്‍ ഭിത്തി, അംഗനവാടികളുടെ ശോചനീയാവസ്ഥ എന്നീ വിഷയങ്ങളെ കുറിച്ച് പൊതുജനങളുടെ അഭിപ്രായം ഉയര്‍ന്നു വന്നു. കടപ്പുറം പഞ്ചായത്തില്‍
ശുദ്ധ ജലം ലഭിക്കുന്നില്ലെന്ന പരാതിയില്‍ പൊട്ടിയ പൈപ്പുകളുടെ അറ്റകുറ്റപ്പണിക്കായി രണ്ട് ലക്ഷം രൂപ പ്രഖ്യാപിച്ചു. വിവിധ മേഖലയില്‍ കഴിവ് തെളിയിച്ച പ്രതിഭകളെ ചടങ്ങില്‍ ആദരിച്ചു.
ജില്ലാ അധ്യക്ഷന്‍ അഡ്വ. കെ. കെ.അനീഷ് കുമാര്‍, ജില്ലാ ജനറല്‍ സെക്രട്ടറി ജസ്റ്റിന്‍ ജേക്കബ്, ജില്ലാ ട്രഷറര്‍ കെ. ആര്‍.അനീഷ്, ചാവക്കാട് മണ്ഡലം പ്രസിഡന്റ് കെ. ആര്‍. ബൈജു, ജനറല്‍ സെക്രട്ടറിമാരായ പ്രതീഷ് അയിനിപ്പുള്ളി, ബോഷി ചാണാശ്ശേരി, മണ്ഡലം ഭാരവഹികളായ ഷീജ രാധകൃഷ്ണന്‍, വര്‍ഷ മണികണ്ഠന്‍, സിന്ധു അശോകന്‍, ഉമാദേവി എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: