തിരുവനന്തപുരം: ആര്യാടന്‍ ഷൗക്കത്തിനെ കര്‍ശനമായി താക്കീത് ചെയ്യണമെന്ന് അച്ചടക്കസമിതിയുടെ റിപ്പോര്‍ട്ട്. പാര്‍ട്ടി നിര്‍ദ്ദേശം ലംഘിച്ച് പാലസ്തീന്‍ ഐക്യദാര്‍ഡ്യ റാലി സംഘടിപ്പിച്ചത് സംബന്ധിച്ചാണ് റിപ്പോര്‍ട്ട്.
അച്ചടക്കസമിതിയുടെ റിപ്പോര്‍ട്ട് കെപിസിസി അധ്യക്ഷന്‍ കെ സുധാകരന് കൈമാറി. ഇനി നിര്‍ണായകം കെപിസിസിയുടെ നിലപാടാണ്.
ആര്യാടന്‍ ഷൗക്കത്തിനെതിരെ കടുത്ത നടപടി വേണമെന്ന നിലപാടിലാണ് ഒരു വിഭാഗം. എന്നാല്‍ .അത് തിരിച്ചടിയാകുമെന്ന വിലയിരുത്തലിലാണ് അച്ചടക്ക സമിതി.
ആര്യാടന്‍ ഷൗക്കത്ത് ചെയ്തത് അച്ചടക്ക ലംഘനമാണെന്നാണ് കെപിസിസി നിലപാട്. ആര്യാടന്‍ ഷൗക്കത്തിന്റെ അച്ചടക്ക ലംഘനം ചര്‍ച്ച ചെയ്യാനായി കെ.പി.സി.സി അച്ചടക്ക സമിതി യോഗം ഈ മാസം 12ന് കൂടിയിരുന്നു. തിരുവഞ്ചൂര്‍ രാധാകൃഷ്ണന്റെ അധ്യക്ഷതയിലുള്ള സമിതിയായിരുന്നു യോഗം ചേര്‍ന്നത്.ഇതിന് പിന്നാലെയാണ് നിലവില്‍ ആര്യാടന്‍ ഷൗക്കത്തിനെതിരായി കടുത്ത നടപടികള്‍ ഒഴിവാക്കിയുള്ള അച്ചടക്ക സമിതി റിപ്പോര്‍ട്ട് വരുന്നത്.
പ്രതികരിക്കാൻ ഇവിടെ എഴുതുക: