ഓരോ ദിവസം കഴിയുംതോറും ഹൗസിനുള്ളിലെ നാടകീയ സംഭവങ്ങള്‍ വർധിച്ച് വരുകയാണ്. ബിഗ് ബോസ് ഹിന്ദിയിലെ ശ്രദ്ധേയരായ മത്സരാര്‍ഥികളില്‍ ഒരാളായ അങ്കിത അങ്കിത ഗർഭിണിയാണെന്നാണ് ഇപ്പോൾ പ്രചരിക്കുന്ന കഥ. അങ്കിതയും ഭര്‍ത്താവ് വിക്കി ജെയിനും ഒരുമിച്ചാണ് ഷോയില്‍ പങ്കെടുക്കുന്നത്. നടി തന്നെ ഇക്കാര്യം പറയുന്നൊരു വീഡിയോയാണ് സോഷ്യല്‍ മീഡിയയിലൂടെ പ്രചരിക്കുന്നത്. വിക്കിയോട് അങ്കിത തന്റെ അവസ്ഥകള്‍ തുറന്ന് പറയുന്നുണ്ടെങ്കിലും അത് അംഗീകരിക്കാൻ വിക്കി തയ്യാറായിട്ടില്ല. ഇതോടെ സോഷ്യല്‍ മീഡിയയിലും വിമര്‍ശനം ഉയരുകയാണ്.
വിക്കിയുമായി സംസാരിക്കുന്നതിനിടയിലാണ് തനിക്ക് സുഖമില്ലെന്ന കാര്യം നടി പറയുന്നത്. താന്‍ ഗര്‍ഭിണിയാണോ എന്നുള്ള പരിശോധനയ്‌ക്ക് വിധേയായിട്ടുണ്ടെന്നും അങ്കിത പറയുന്നുണ്ട്. ‘എനിക്കെന്തോ അസുഖമാണെന്ന് തോന്നുന്നു. ഞാന്‍ മാനസികമായി തളര്‍ന്നു, ശരിക്കും ഞാന്‍ ക്ഷീണിതയാണ്. എന്റെ ഉള്ളില്‍ ഒരാളുണ്ടെന്ന തോന്നലുണ്ട്. . എനിക്ക് വീട്ടില്‍ പോകണമെന്നുമാണ്’ അങ്കിത പറയുന്നത്. ഇതോടെ സാരമില്ലെന്നും നിന്റെ തോന്നലാണെന്നും പറഞ്ഞ് വിക്കി ആശ്വസിപ്പിക്കുന്നുണ്ട്. ഇതോടെ നടി രൂക്ഷമായി പ്രതികരിക്കുകയായിരുന്നു. ‘എനിക്ക് ഭ്രാന്തൊന്നുമില്ല. ഞാന്‍ എന്താണ് പറയുന്നതെന്ന് എനിക്കറിയാം. കാരണം ഗര്‍ഭിണിയാണോ എന്നറിയാനുള്ള രക്ത പരിശോധന എനിക്ക് നടത്തി. എന്തോ കുഴപ്പമുണ്ട്. പിന്നീട് മൂത്രവും പരിശോധിച്ചു. എനിക്ക് മൂഡ് സ്വിംഗ്‌സ് ഒക്കെ വരുന്നുണ്ട്. അതിനര്‍ഥം എന്തോ സംഭവിക്കുന്നതാണെന്നും അങ്കിത പറയുന്നു.
മറ്റൊരു വീഡിയോയില്‍ സഹമത്സരാര്‍ഥികളായ റിങ്കു ധവാനോടും ജിഗ്ന വോറയോടും സംസാരിക്കുന്നതിനിടെ ഭക്ഷണത്തിനോടുള്ള ഇഷ്ടവും ഇഷ്ടക്കേടുമൊക്കെ അങ്കിത പറയുന്നുണ്ട്.
ചില ഭക്ഷണം കഴിക്കാന്‍ വല്ലാത്ത ഇഷ്ടം തോന്നുകയാണെന്നും ചിലത് കാണുമ്പോള്‍ ഓക്കാനം വരികയാണെന്നും നടി പറഞ്ഞത്. ഇതോടെ നിങ്ങള്‍ ഗര്‍ഭിണിയായിരിക്കും. അതാണ് ഇങ്ങനൊരു തോന്നലെന്ന് താരങ്ങളും സൂചിപ്പിച്ചു. ഇതോടെ ബിഗ് ബോസിനുള്ളില്‍ നിന്നുമൊരു ഗര്‍ഭിണി ഉണ്ടായോ എന്ന വാര്‍ത്ത പടരുകയാണ്. വൈകാതെ പ്രചരിക്കുന്ന വാര്‍ത്തകള്‍ക്കുള്ള സ്ഥീരികരണം ബിഗ് ബോസിന്റെ അണിയറ പ്രവര്‍ത്തകര്‍ തന്നെ വ്യക്തമാക്കണമെന്നാണ് ആരാധകരുടെ ആവശ്യം.
2019 ലാണ് ബിസിനസുകാരനായ വിക്കി ജെയിനും താനും പ്രണയത്തിലാണെന്ന് അങ്കിത വെളിപ്പെടുത്തിയത്. 2021 ഡിസംബറില്‍ ഇരുവരും വിവാഹിതരാവുകയും ചെയ്തു. നടി ഗര്‍ഭിണിയാണെങ്കില്‍ മത്സരം പോലും അവസാനിപ്പിച്ച് പുറത്ത് പോകേണ്ട സാഹചര്യം വരും. ബിഗ് ബോസില്‍ കായികപരമായിട്ടുള്ള ടാസ്‌കുകളും ഗെയിമുകളും നടക്കുന്നതിനാല്‍ ഗർഭിണിയായ നടിക്ക് അതൊന്നും നേരിടാൻ കഴിയില്ല.
പ്രതികരിക്കാൻ ഇവിടെ എഴുതുക: