കോട്ടയം: സിനിമ- സീരിയല്‍ താരം ഹരിത ജി.നായര്‍ വിവാഹിതയായി. സിനിമ എഡിറ്ററായ വിനായക് ആണ് ഹരിതയുടെ കഴുത്തില്‍ താലി ചാര്‍ത്തിയത്.
വിവാഹ ചടങ്ങില്‍ ഹരിത വെളള ലെഹംഗയാണ് ധരിച്ചിരുന്നത്. വിനായകന്‍ വെളള കുര്‍ത്തയും മുണ്ടും.
അടുത്ത ബന്ധുക്കളും സുഹൃത്തുക്കളും മാത്രമായിരുന്നു വിവാഹ ചടങ്ങില്‍ പങ്കെടുത്തത്. ഹരിത അഭിനയിക്കുന്ന ശ്യാമാംബരം സീരിയലിലെ തനൂജ് മേനാന്‍, രശ്മി ബോബന്‍, കസ്തൂരിമാനിലെ കൃഷ്ണ പ്രിയ എന്നിവര്‍ വിവാഹചടങ്ങില്‍ പങ്കെടുത്തു.
വിവാഹത്തിന് മുമ്പ് ഹല്‍ദി ചടങ്ങും സംഘടിപ്പിച്ചിരുന്നു.ഇവരുടെ സേവ് ദി ഡേറ്റ് വീഡിയോ വൈറലായിരുന്നു.
കസ്തൂരിമാനിലെ ശ്രീക്കുട്ടിയെന്ന കഥാപാത്രത്തിലൂടെയാണ് ഹരിത ശ്രദ്ധേയയായത്.നിലവില്‍ ശ്യാമാംബരം സീരിയയില്‍ അഭിനയിച്ചു വരികയാണ്.
ദൃശ്യം 2, ട്വല്‍ത് മാന്‍ തുടങ്ങിയ സിനിമകളുടെ എഡിറ്ററാണ് വിനായക്. ബേസില്‍ ജോസഫിനെ നായകനാക്കി ജീത്തു ജോസഫ് സംവിധാനം നിര്‍വഹിക്കുന്ന നുണക്കുഴിയാണ് വിനായക് എഡിറ്റിംഗ് നിര്‍വ്വഹിക്കുന്ന പുതിയ ചിത്രം.
കഴിഞ്ഞ വര്‍ഷം ജൂണ്‍ മാസത്തിലായിരുന്നു ഇരുവരുടെയും വിവാഹനിശ്ചയം. കുട്ടിക്കാലത്തേ സുഹൃത്തുക്കളാണ് ഇരുവരും. എന്നാല്‍ തങ്ങള്‍ക്കിടയില്‍ സൗഹൃദം മാത്രമേ ഉണ്ടായിരുന്നുളളൂ എന്നും പ്രണയം ഉണ്ടായിരുന്നില്ലെന്നും ഹരിത നേരത്തെ പറഞ്ഞിരുന്നു. വീട്ടുകാര്‍ പറഞ്ഞുറപ്പിച്ച വിവാഹമാണ് ഇതെന്നും നടി പറഞ്ഞു.
പ്രതികരിക്കാൻ ഇവിടെ എഴുതുക: