തൃക്കാക്കര രാത്രികാല കച്ചവടം; നിരോധിക്കുന്ന തീരുമാനത്തിനെതിരെ ഹോട്ടൽ ഉടമകൾ ഹൈക്കോടതിയിലേക്ക്

കൊച്ചി: രാത്രി 11 മണിയ്‌ക്ക് ശേഷം ഹോട്ടൽ അടയ്‌ക്കുന്നതിനുള്ള തൃക്കാക്കര നഗരസഭയുടെ തീരുമാനത്തിനെതിരെ ഹോട്ടൽ ഉടമകൾ ഹൈക്കോടതിയിലേക്ക്. നിലവിലുള്ള ഹൈക്കോടതി വിധിക്കെതിരാണ് നഗരസഭയുടെ തീരുമാനമെന്ന് ഹോട്ടൽ ഉടമകൾ പറയുന്നു. ഇനിയുള്ള ആറ് മാസം രാത്രി 11 മണി വരെ വ്യാപാര സ്ഥാപനങ്ങൾക്ക് പ്രവർത്തന അനുമതി നിരോധിക്കുന്നതിനാണ് തൃക്കാക്കര നഗരസഭയുടെ നീക്കം.

നഗരസഭയും പോലീസും എക്സൈസും അടക്കമുള്ള വകുപ്പുകളുടെ യോഗത്തിന് ശേഷമാണ് നിയന്ത്രണം പ്രാബല്യത്തിൽ വരുത്താൻ തീരുമാനമായത്. ലഹരി കച്ചവടവും ലഹരി ഉപയോഗിക്കുന്നവരുടെ ശല്യവും കാരണമാണ് നിയന്ത്രണമെന്നാണ് നഗരസഭയുടെ വാദം. ഇന്ന് ചേരുന്ന കൗൺസിൽ യോഗത്തിൽ അന്തിമ തീരുമാനമുണ്ടാകും.