പുളിക്കുന്ന്: പുളിക്കുന്ന് സെന്റ് ജോസഫ്‌സ് എച്ച്എസ്എസ് ഇന്‍ഡോറില്‍ നടക്കുന്ന 37-ാമത് കേരള സംസ്ഥാന യൂത്ത് ബാസ്‌ക്കറ്റ്‌ബോള്‍ ചാമ്പ്യന്‍ഷിപ്പിന്റെ രണ്ടാം ദിനത്തില്‍ തൃശൂര്‍ ആണ്‍ പെണ്‍ ടീമുകളും തിരുവന്തപുരം പെണ്‍കുട്ടികളും തുടര്‍ച്ചയായ രണ്ടാം ജയത്തോടെ മുന്നേറുന്നു.
വെള്ളിയാഴ്ച രാത്രി വൈകി നടന്ന മത്സരത്തില്‍ കൊല്ലത്തെ 44-24ന് തോല്‍പിച്ച തൃശൂര്‍ ആണ്‍കുട്ടികള്‍ തിരുവനന്തപുരത്തെ 44-13ന് തോല്‍പിച്ചു രണ്ടാം വിജയം നേടിയപ്പോള്‍ പെണ്‍കുട്ടികള്‍ കാസര്‍കോടിനെ 32-11ന് തോല്‍പ്പിച്ച ശേഷം ആലപ്പുഴയെ 52-42ന് തോല്‍പ്പിച്ച് രണ്ടാം ജയം നേടി.
ആതിഥേയരായ ആലപ്പുഴ ജില്ലാ ആണ്‍ വിഭാഗത്തില്‍ കോഴിക്കോടിനെ 53-26 തകര്‍ത്തു തങ്ങളുടെ ആദ്യ ജയം കരസ്ഥമാക്കി കഴിഞ്ഞ വര്‍ഷത്തെ ജേതാക്കളായ കോട്ടയം ഗ്രൂപ്പ് എ മത്സരത്തില്‍ മലപ്പുറത്തിനെ 71-42ന് തോല്‍പ്പിച്ചു.
ഇന്നലെ നടന്ന മറ്റു മറ്റ് ലീഗ് മത്സരങ്ങളില്‍ ആണ്‍ മത്സരത്തില്‍ തിരുവനന്തപുരം പത്തനംതിട്ടയെയും (35-17) ഇടുക്കി കണ്ണൂരിനെയും (47-24) പാലക്കാട് കാസര്‍കോടിനെയും (23-13) കൊല്ലം പത്തനംതിട്ടയെയും (53-14) പരിചയപെടുത്തി.
പെണ്‍ വിഭാഗത്തില്‍ തിരുവനന്തപുരം നിലവിലെ ജേതാക്കളായ എറണാകുളത്തെ 23-4ന് തോല്‍പിച്ച ശേഷം കൊല്ലത്തെ 40-31ന് തോല്‍പിച്ച് ഗ്രൂപ്പ് എയിലെ രണ്ടാം ജയം നേടി. മറ്റ് ലീഗ് മത്സരങ്ങളില്‍ കോഴിക്കോട് 56-50ന് ആലപ്പുഴയെയും എറണാകുളം 23-14ന് പത്തനംതിട്ടയെയും പരാജയപ്പെടുത്തി.
പ്രതികരിക്കാൻ ഇവിടെ എഴുതുക: