കൊല്‍ക്കത്ത: പാകിസ്ഥാനെതിരായ മത്സരത്തില്‍ ആദ്യം ബാറ്റ് ചെയ്ത ബംഗ്ലാദേശ് 45.1 ഓവറില്‍ 204 റണ്‍സിന് പുറത്തായി.
ആദ്യ ഓവറില്‍ തന്‍സിദ് ഹസന്‍ പുറത്താകുമ്പോള്‍ ബംഗ്ലാദേശ് സ്‌കോര്‍ ബോര്‍ഡ് തുറന്നിട്ടില്ലായിരുന്നു. നജ്മുള്‍ ഹൊസൈനെയും മുഷ്ഫിക്കുര്‍ റഹിമും പുറത്താകുമ്പോള്‍ ബംഗ്ലാദേശ് 23/3 എന്ന നിലയിലായിരുന്നു.
നാലാം വിക്കറ്റില്‍ 79 റണ്‍സ് നേടി ലിറ്റണ്‍ ദാസും മഹമ്മുദുള്ളയും ചേര്‍ന്ന് ബംഗ്ലാദേശിന്റെ തിരിച്ചുവരവ് ഒരുക്കുമെന്ന് കരുതിയെങ്കിലും ലിറ്റണ്‍ ദാസിനെ പുറത്താക്കി ഇഫ്തിക്കര്‍ അഹമ്മദ് ഈ കൂട്ടുകെട്ട് തകര്‍ത്തു. ലിറ്റണ്‍ ദാസ് 45 റണ്‍സ് നേടി.
അഞ്ചാം വിക്കറ്റില്‍ 28 റണ്‍സ് ഷാക്കിബിനൊപ്പം നേടിയെങ്കിലും മഹമ്മുദുള്ള 56 റണ്‍സ് നേടി പുറത്തായതോടെ ബംഗ്ലാദേശ് 130/5 എന്ന നിലയിലായി. തൗഹിദ് ഹൃദോയയും വേഗത്തില്‍ പുറത്തായെങ്കിലും ഷാക്കിബ് അല്‍ ഹസന്‍ പൊരുതി നിന്നു.ഷാക്കിബ് അല്‍ ഹസന്‍ 43 റണ്‍സാണ് നേടിയത്. ഏഴാം വിക്കറ്റില്‍ മെഹ്ദി ഹസന്‍ മിറാസുമായി ചേര്‍ന്ന് 40 റണ്‍സ് ഷാക്കിബ് നേടി. ഷാക്കിബ് പുറത്തായ ശേഷം മിറാസും ടാസ്‌കിനും ചേര്‍ന്ന് ടീമിന്റെ സ്‌കോര്‍ 200ലേക്ക് എത്തിച്ചുവെങ്കിലും 25 റണ്‍സ് നേടിയ മിറാസിനെ ബംഗ്ലാദേശിന് നഷ്ടമായി.
അധികം വൈകാതെ 45.1 ഓവറില്‍ ബംഗ്ലാദേശ് 204 റണ്‍സിന് പുറത്തായി. പാകിസ്ഥാന് വേണ്ടി ഷഹീന്‍ അഫ്രീദിയും മൊഹമ്മദ് വസീം ജൂനിയറും മൂന്ന് വീതം വിക്കറ്റ് നേടി. ഹാരിസ് റൗഫ് രണ്ട് വിക്കറ്റ് നേടി.
പ്രതികരിക്കാൻ ഇവിടെ എഴുതുക: