കൊച്ചി: കളമശേരിയിൽ യഹോവ സാക്ഷികളുടെ പ്രാർത്ഥനാ സമ്മേളനത്തിനിടെ സ്ഫോടനം. ഒരാൾ മരിച്ചു. 23 പേർക്ക് പരിക്കേറ്റു. ഇതിൽ ആറു പേരുടെ നില അതീവ ഗുരുതരമാണ്. പരിക്കേറ്റവരെ കളമശേരി മെഡിക്കൽ കോളേജിലേക്ക് മാറ്റി.
രാവിലെ 9.30ന് സംറ കൺവെഷൻ സെൻ്ററിലായിരുന്നു സ്ഫോടനം. ഇവിടെ കഴിഞ്ഞ മൂന്ന് ദിവസമായി പ്രാർത്ഥന നടക്കുകയായിരുന്നു. ഇന്ന് സമാപന ദിവസമായിരുന്നു. കുട്ടികളും സ്ത്രീകളും അടക്കം സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ളവരായിരുന്നു പ്രാർത്ഥനയിൽ പങ്കെടുത്തത്. പോലീസും ഫയർ ഫോഴ്സും സ്ഥലത്ത് എത്തിയിട്ടുണ്ട്. മരിച്ചയാളുടെ മൃതദേഹം കത്തിക്കരിഞ്ഞ നിലയിലായിരുന്നു.
വലിയ തോതിലുള്ള രക്ഷാപ്രവർത്തനം തുടരുകയാണ്. എന്താണ് സ്‌ഫോടനത്തിന് കാരണം വ്യക്തമല്ല. ചെറിയ ഹാളായതിനാൽ അപകടത്തിന്റെ വ്യാപ്തി വർദ്ധിച്ചുവെന്നാണ് വിവരം. ഏകദേശം രണ്ടായിരത്തോളം ആളുകൾ യോഗത്തിൽ പങ്കെടുക്കാൻ എത്തിയിരുന്നു.
പ്രതികരിക്കാൻ ഇവിടെ എഴുതുക: