തൃശൂരിൽ ഇടിമിന്നലേറ്റ യുവതിയുടെ കേൾവി ശക്തി നഷ്ടമായി

തൃശൂർ: ഇടിമിന്നലേറ്റ് യുവതിയുടെ കേൾവി ശക്തി നഷ്ടമായി. വീടിന്റെ ഭിത്തിയിൽ ചാരി നിന്ന് കുഞ്ഞിന് ഭക്ഷണം കൊടുക്കവെയായിരുന്നു അപകടം. ഇടിമിന്നലേറ്റ് അമ്മയും ആറ് മാസം പ്രായമായ കുഞ്ഞും തെറിച്ചു വീഴുകയായിരുന്നു. അപകടത്തിൽ യുവതിയുടെ ഇടത് ചെവിയുടെ കേൾവി ശക്തി നഷ്ടമായി. പൂമംഗലം സ്വദേശി ഐശ്വര്യക്കാണ് ഇടിമിന്നലേറ്റത്.

ശരീരത്തിലും പൊള്ളലേറ്റിട്ടുണ്ട്. ഇന്നലെ രാത്രി ഏഴ് മണിയോടെയായിരുന്നു സംഭവം. ഇടിമിന്നലേറ്റ് തെറിച്ചു വീണതിന് പിന്നാലെ ബോധം നഷ്ടമായി. പിന്നാലെ ആശുപത്രിയിൽ എത്തിച്ചപ്പോഴായിരുന്നു കേൾവി ശക്തി നഷ്ടമായ വിവരം പുറത്തു വന്നത്. സമീപത്തെ വീടുകളിലും മിന്നലാക്രമണത്തിൽ നാശനഷ്ടം സംഭവിച്ചിട്ടുണ്ട്.