ചെങ്ങന്നൂര്‍: പുതിയതായി സ്റ്റോപ്പ് അനുവദിച്ച ചെങ്ങന്നൂരില്‍ വന്ദേഭാരതിന് ആവേശോജ്ജ്വല സ്വീകരണം. ജനങ്ങളുടെ ആനന്ദത്തില്‍ പങ്കുചേരാന്‍ കേന്ദ്രമന്ത്രി വി. മുരളീധരനും സ്റ്റേഷനില്‍ എത്തി.
ചെങ്ങന്നൂര്‍ റയില്‍വേ സ്റ്റേഷനില്‍ പൗരാവലിയുടേയും ബിജെപി മണ്ഡലം കമ്മിറ്റിയുടെയും ആഭിമുഖ്യത്തിലായിരുന്നു സ്വീകരണം. വാദ്യമേളങ്ങളുടേയും വഞ്ചിപ്പാട്ടിന്റേയും അകമ്പടിയോടെ പുഷ്പവൃഷ്ടി നടത്തി സ്വീകരിച്ചു. സ്വീകരണ സമ്മേളനം കേന്ദ്ര വിദേശകാര്യ സഹമന്ത്രി വി. മുരളീധരന്‍ ഉദ്ഘാടനം ചെയ്തു. അര്‍ഹമായ വികസനം പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ കേരളത്തില്‍ നടപ്പാക്കിവരികയാണെന്നും വേഗതയുടെ പേരില്‍ പാവപ്പെട്ടവരുടെ കിടപ്പാടം നഷ്ടപ്പെടുത്തിയുള്ള കേരള മോഡല്‍ വികസനമല്ല അതെന്നും വി. മുരളീധരന്‍ പറഞ്ഞു.
ബിജെപി സംസ്ഥാന സെക്രട്ടറി പന്തളം പ്രതാപന്‍, സംസ്ഥാന വക്താവ് സന്ദീപ് വാചസ്പതി, ജില്ലാ പ്രസിഡന്റ് എം.വി. ഗോപകുമാര്‍, ദക്ഷിണമേഖലാ സെക്രട്ടറി ബി. കൃഷ്ണകുമാര്‍, സജു ഇടക്കല്ലില്‍, കെ.ജി. കര്‍ത്ത, പ്രമോദ് കാരയ്‌ക്കാട്, അനീഷ് മുളക്കുഴ, സതീഷ് കൃഷ്ണന്‍, അജി ആര്‍. നായര്‍, ഗീത അനില്‍കുമാര്‍, കലാ രമേശ്, ഡി. വിനോദ്കുമാര്‍, രമേശ് പേരിശ്ശേരി, ശ്രീജ പത്മകുമാര്‍, മനു കൃഷ്ണന്‍, എസ്.വി. പ്രസാദ്, പി.എ. നാരായണന്‍, രോഹിത് പി. കുമാര്‍, ടി.സി സുരേന്ദ്രന്‍, എന്‍. ശ്യാം, എസ്.കെ രാജീവ്, കെ.കെ വിനോദ്, ശരത് ശ്യാം തുടങ്ങിയവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: