തലൈവർ രജനീകാന്ത് നാളെ ശ്രീപദ്മനാഭ ക്ഷേത്രത്തിൽ ദർശനം നടത്തും; സിനിമയുടെ ചിത്രീകരണം നടക്കുന്നത് ശംഖുമുഖത്തും വെള്ളായണിയിലും

ഇന്ത്യൻ സിനിമയുടെ തലൈവർ രജനീകാന്ത് തലസ്ഥാനത്തെത്തി. പുതിയ സിനിമയായ തലൈവർ 170-ന്റെ ചിത്രീകരണവുമായി ബന്ധപ്പെട്ടാണ് അദ്ദേഹം തിരുവനന്തപുരത്ത് എത്തിയത്. പത്ത് ദിവസമാകും ചിത്രത്തിന്റെ ചിത്രീകരണം നടക്കുക. തിരുവനന്തപുരത്ത് വിവിധ പ്രദേശങ്ങളിലായാകും ചിത്രീകരണം നടക്കുക. ശംഖുമുഖത്തും വെള്ളായണിയിലുമാകും ഷൂട്ടിംഗ് നടക്കുക. ഇന്നലെ രാവിലെ തിരുവനന്തപുരം വിമാനത്താവളത്തിൽ എത്തിയ അദ്ദേഹത്തിന് ആരാധകർ വൻ സ്വീകരണമാണ് നൽകിയത്.

സംസ്ഥാനത്തിന്റെ വിവിധ ഭാഗങ്ങളിൽ നിന്നും കന്യാകുമാരിയിൽ എത്തിയ ആരാധകർ വിമാനത്താവളത്തിൽ എത്തിയിരുന്നു. എല്ലാവരോടും വണക്കം പറഞ്ഞ് അദ്ദേഹം കാറിൽ കയറി. രജനിയുടെ പുതിയ ചിത്രത്തിൽ ഫഹദ് ഫാസിലും മഞ്ജു വാര്യരും ശ്രദ്ധേയ കഥാപാത്രത്തെ അവതരിപ്പിക്കുന്നുണ്ട്. അതേസമയം നാളെ ശ്രീപദ്മനാഭ സ്വാമിക്ഷേത്രത്തിൽ ദർശനം നടത്തും. താരം ആദ്യമായാണ് തിരുവനന്തപുരത്ത് എത്തുന്നത്.