കോട്ടയം: ഒരു സ്ത്രീയ്ക്ക് ഉയരങ്ങളില്‍ എത്താന്‍ സ്വന്തം ആത്മവിശ്വാസം മാത്രം മതിയെന്ന് ജില്ലാ കളക്ടര്‍ വി. വിഗ്‌നേശേരി. സ്ത്രീകള്‍ക്ക് പിന്നില്‍ നിന്നാരുടെയെങ്കിലും പിന്‍തുണ വേണമെന്നത് തെറ്റായ സന്ദേശമാണെന്ന് അവര്‍ അഭിപ്രായപ്പെട്ടു. കോട്ടയത്തെ വനിതാ സംരംഭക കൂട്ടായ്മ ഡബ്ല്യുഇഎന്നിന്റെ ഒന്നാം വാര്‍ഷികവും ഓണാഘോഷവും ഉദ്ഘാടനം ചെയ്യുകയായിരുന്നു കളക്ടര്‍.
മാങ്ങാനം ചാണ്ടീസ് ഹോംസ് ടാള്‍ കണ്‍ട്രി ഹാളില്‍ നടന്ന ചടങ്ങില്‍ ജില്ലയില്‍ പ്രമുഖ വനിതാ സംരംഭകര്‍ പങ്കെടുത്തു. മാധ്യമപ്രവര്‍ത്തക രേഖാ മേനോന്‍, റേഡിയോ ജോക്കി ആര്‍.ജെ നീന എന്നിവര്‍ വിശിഷ്ടാഥികളായി പങ്കെടുത്തു. വെന്‍ കോട്ടയം ചാപ്റ്റര്‍ ചെയര്‍ മറിയാമ്മ പയസ്, വൈസ് ചെയര്‍മാന്‍ ചിന്നു മാത്യു, കണ്‍വീനര്‍ റീബ വര്‍ഗീസ് തുടങ്ങിയവര്‍ സംസാരിച്ചു.
നെറ്റ് വര്‍ക്കിങ്, സഹകരണം, പരിശീലനം, മാര്‍ഗനിര്‍ദേശ എന്നിവയിലൂടെ വനിതാ സംരംഭകരെ ശാക്തീകരിക്കുന്നതിനുള്ള ഒരു പ്ലാറ്റ്ഫോമാണ് വെന്‍. കൊച്ചി, തൃശൂര്‍, കോഴിക്കോട്, കോട്ടയം, തിരുവനന്തപുരം, എന്നിവിടങ്ങളിലായി ആയിരത്തിലധികം അംഗങ്ങളും അഞ്ച് ചാപ്റ്ററുകളും വെന്നിനുണ്ട്. ചെറുകിട മുതല്‍ വലിയ ബിസിനസ് ഉടമകള്‍ വരെ ഈ സംരംഭത്തിന്റെ ഭാഗമായുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: