കൊച്ചി: സൗദി സ്വദേശിനിയേ പീഢിപ്പിക്കാന്‍ ശ്രമിച്ചു എന്ന പരാതിയില്‍ യുട്യൂബ് വ്‌ളോഗര്‍ ‘മല്ലുട്രാവലര്‍’ എന്ന ഷാക്കിര്‍ സുബ്ഹാനെതിരേ പോലീസ് കേസെടുത്തു. കൊച്ചിയില്‍ അഭിമുഖത്തിന് എന്നു പറഞ്ഞു വിളിച്ചുവരുത്തിയാണ് പീഢണത്തിന് ശ്രമിച്ചത് എന്നാണ് പരാതി. ഇതേതുടര്‍ന്നാണ് എറണാകുളം സെന്‍ട്രല്‍ പോലീസ് കേസെടുത് അന്വേഷണം ആരംഭിച്ചത്.
ഷാക്കിര്‍ സുബ്ഹാന്‍ അശ്ലീലച്ചുവയോടെ സംസാരിച്ചെന്നും കടന്നുപിടിച്ചെന്നുമാണ് സൗദി സ്വദേശിനിയുടെ പരാതിയില്‍ പറയുന്നത്. കാച്ചിയിലെ ഹോട്ടലില്‍ അഭിമുഖത്തിനായാണ് സൗദി യുവതിയെ വിളിച്ചുവരുത്തിയത്. വിവാഹം കഴിക്കാനിരിക്കുന്ന യുവാവും യുവതിക്കൊപ്പം ഉണ്ടായിരുന്നു.
ഒപ്പമുണ്ടായിരുന്ന യുവാവ് പുറത്തുപോയ സമയത്താണ് മല്ലുട്രാവലര്‍ അതിക്രമം കാണിച്ചതെന്നാണ് പരാതിയില്‍ വ്യക്തമാക്കുന്നത്. സംഭവത്തില്‍ പരാതിക്കാരിയുടെ മൊഴിയെടുത്തിട്ടുണ്ടെന്നും ഇനി രഹസ്യമൊഴി കൂടി രേഖപ്പെടുത്തുമെന്നും എറണാകുളം സെന്‍ട്രല്‍ പോലീസ് അറിയിച്ചു.
നിലവില്‍ ഷാക്കിര്‍ സുബ്ഹന്‍ വിദേശത്താണെന്നാണ് പോലീസിന് ലഭിച്ചവിവരം. കേസെടുത്തതിന് പിന്നാലെ സംഭവത്തില്‍ വിശദീകരണവുമായി ‘മല്ലുട്രാവലറും’ രംഗത്തെത്തി. പരാതി നൂറുശതമാനം വ്യാജമാണെന്നും ഇതിനെ തെളിവുകള്‍ കൊണ്ട് നേരിടുമെന്നുമായിരുന്നു വ്‌ളോഗറുടെ ഫെയ്‌സ്ബുക്ക് പോസ്റ്റ്.
പ്രതികരിക്കാൻ ഇവിടെ എഴുതുക: