ചെസ് താരം ആര്‍ പ്രജ്ഞാനന്ദയുടെ മാതാവ് ആര്‍ നാഗലക്ഷ്മിയെക്കുറിച്ച് അമുലിന്റെ ഒരു പോസ്റ്റ് ഇന്‍സ്റ്റാഗ്രാമില്‍ വൈറലായി. ഇന്ത്യന്‍ ഗ്രാന്‍മാസ്റ്ററുടെ മാതാവ് മകന്റെ വിജയത്തിന് എങ്ങനെയാണ് സംഭാവന നല്‍കുന്നുവെന്നതാണ് അമുല്‍ ഡയറി ബ്രാന്‍ഡ് അവരുടെ പോസ്റ്റില്‍ കാട്ടുന്നത്.
പ്രഗ്‌നാനന്ദയുടെയും അമ്മയുടെയും ചിത്രമാണ് അമൂല്‍ ശൈലിയില്‍ വരച്ചിരിക്കുന്നത്. ചിത്രത്തില്‍ പ്രഗ്നാന്ദ ചെസ് ബോര്‍ഡിന് മുന്നില്‍ ഇരിക്കുന്നു. മേശയില്‍ നിന്നും അമ്മ നല്‍കുന്ന റൊട്ടി പ്രഗ്നാനന്ദ കഴിക്കുന്നു . ‘ഗ്രാന്‍ഡ് മാസ്റ്റര്‍!’ എന്ന വാക്ക് ചിത്രത്തിന് മുകളില്‍ പതിച്ചിട്ടുണ്ട്.
പോസ്റ്റ് ചെയ്തതിന് ശേഷം രണ്ട് മണിക്കൂറിനുളളില്‍ ഇതിന് 2,200 ലൈക്കുകള്‍ ലഭിച്ചു. ധാരാളം ഷെയറുകളും കമന്റുകളും നേടി.
ഇതിഹാസ റഷ്യന്‍ ഗ്രാന്‍ഡ്മാസ്റ്ററും മുന്‍ ലോക ചെസ് ചാമ്പ്യനുമായ ഗാരി കാസ്പറോവ് നേരത്തെ പ്രഗ്‌നാനന്ദയുടെ അമ്മയെ അഭിനന്ദിച്ച് എക്‌സില്‍ എഴുതിയിരുന്നു. പ്രജ്ഞാനന്ദയ്‌ക്കും അവന്റെ അമ്മയ്‌ക്കും അഭിനന്ദനങ്ങള്‍ . എല്ലാ മത്സരങ്ങള്‍ക്കും മകനെ അനുഗമിക്കുന്ന അഭിമാനിയായ അമ്മ- ഗാരി കാസ്പറോവ് കുറിച്ചു.
പ്രതികരിക്കാൻ ഇവിടെ എഴുതുക: