കാർ കടലിലേക്ക് വീണു മൂന്നുപേർക്ക് പരിക്ക്

വർക്കല: വർക്കല വിനോദസഞ്ചാര മേഖലയായ ആലി ഇറക്കത്താണ് പാർക്ക് ചെയ്തിരുന്ന കാർ കടലിലേക്ക് പതിച്ചത്. വിനോദ സഞ്ചാരികളായ തമിഴ്നാട് സ്വദേശികളായ സ്ത്രീ അടക്കം നാലു പേരായിരുന്നു വാഹനത്തിൽ എത്തിയത്.  കെ എൽ 49 എൽ 4412 നമ്പരിലുള്ള മാരുതി കാറാണ് ആലി ഇറക്കത്തെ കുന്നിൻ മുകളിൽ നിന്നും 50 അടി താഴ്ചയിലേക്ക് വീണത് . 

വീഴ്ചയിൽ പാറയിൽ തട്ടി കരണം മറിഞ്ഞ് കടൽത്തീരത്ത് നിന്നു. ഇന്നലെ വൈകിട്ട് 6.30നായിരുന്നു സംഭവം നടന്നത്. മധുമിത (21 ) കൗനൽ (20) ഹാജാകമൽ (20) എന്നിവർക്കാണ് പരിക്കേറ്റത് പരിക്കേറ്റ ഇവരെ വർക്കല താലൂക്ക് ആശുപത്രിയിൽ പ്രാഥമിക ചികിത്സ നൽകി തിരുവനന്തപുരം മെഡിക്കൽ കോളേജിലേക്ക് കൊണ്ടുപോയി.  .