കോട്ടയം: ഉമ്മന്‍ ചാണ്ടിയുടെ വിയോഗത്തെത്തുടര്‍ന്ന് ബുധനാഴ്ച ജില്ലയിലെ സ്‌കൂളുകള്‍ക്ക് ഭാഗിക അവധി പ്രഖ്യാപിച്ചു. ജില്ലയില്‍ ബുധനാഴ്ച പൊലീസ് ഏര്‍പ്പെടുത്തിയിരിക്കുന്ന ഗതാഗത നിയന്ത്രണങ്ങളുടെ ഭാഗമായാണ് സ്‌കൂളുകള്‍ക്ക് ഉച്ചകഴിഞ്ഞ് അവധി പ്രഖ്യാപിച്ചതെന്ന് ജില്ലാ കളക്ടര്‍ അറിയിച്ചു.
മുന്‍ മുഖ്യമന്ത്രിയും നിയമസഭാംഗവുമായിരുന്ന ഉമ്മന്‍ ചാണ്ടിയുടെ ഭൗതികശരീരവും വഹിച്ചുള്ള വിലാപയാത്ര, പൊതുദര്‍ശനം എന്നിവയുമായി ബന്ധപ്പെട്ടാണ് പൊലീസ് നേരത്തെ ഗതാഗത നിയന്ത്രണം ഏര്‍പ്പെടുത്തിയിട്ടുള്ളതായി അറിയിച്ചിരുന്നു.
തിരുവനന്തപുരം മുതല്‍ കോട്ടയം എംസി റോഡ് ഭാഗങ്ങളിലാണ് നിയന്ത്രണം ഏര്‍പ്പെടുത്തിയിരിക്കുന്നത്. പുലര്‍ച്ചെ 4 മണിമുതല്‍ ഗതാഹത നിയന്ത്രണം പ്രബല്യത്തില്‍ വരുമെന്നാണ് അറിയിപ്പ്. ട്രക്കുകള്‍ അടക്കമുള്ള വലിയ വാഹനങ്ങള്‍ എംസി റോഡ് ഒഴിവാക്കി ദേശീയ പാതയിലൂടെ സഞ്ചരിക്കണമെന്ന് അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: